「如果太多牛奶味，朱古力味無掟企……」
朱古力奶唔止可以用嚟氹細路，原來仲係最佳嘅運動飲品！美國康奈爾大學日前發表研究報告，話低脂朱古奶，所含營養比例係最適合一般人運動後飲用。
專家解釋，一般人以為，運動過後需要補充礦物質、糖份，以及蛋白質，但實際上，唔少人做完運動後用餐嘅份量都會增加。而時下嘅運動飲料，脂肪酸、糖份、以至卡路里等營養素，比身體所需為多（除非係美式足球員）。
至於低脂朱古力奶，所含營養達至「黃金比例」，一杯有20克蛋白質，剛好為身體所需。而且奶類所含糖份不高，亦不會損害腸胃。
----- 廣告 Ad -----
有傳媒認為，這項研究可說對運動食品界是一大打擊。因為喺英國，運動食品飲品嘅每年營業額高達8億英鎊。如果朱古力奶成功打入運動界，對這些企業而言必會是一大對手。
來源: Daily Mail 每日郵報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
