[台式食譜] 涼拌龍鬚菜

[素食食譜] 涼拌龍鬚菜夏天又到，日日煮到成身汗，特別我住台灣中南部地區，個太陽好似唔需要休息一樣。煮嗰個熱，食嗰個都好熱。所以我下晝都會整定涼菜，放入雪櫃夜晚食飯前再加工一下就食得。

今日分享既龍鬚菜，好多人見佢怪怪地，以為係山菜野菜，其實佢係合掌瓜既幼藤，好粗生，所以唔需要落農藥都可以種到。纖維同鐵質好豐富，食左包你有便便。

涼拌龍鬚菜
材料：龍鬚菜；Mayonnaise (台灣叫美乃滋，我用日本Q字頭既，台式都偏甜同冇蛋味)可以沙律醬、日式芝麻醬代替；日式柴魚片；糖少許；鹽少許

呢道菜唔少 “火雞肉飯店” (按：火雞肉飯，可以叫做白切火雞飯。全台灣都有，最有名係嘉義。) 都可以見到，大家有機會黎台灣不妨試下。同樣涼拌法可以用於秋葵(香港叫毛茄)、筊白筍(香港叫茭筍、水笋)、粟米仔…你認為可以涼拌既蔬菜都可以。

----- 廣告 Ad -----

本土香港80後，定居台灣。先成為過埠新娘，後成為囡囡好媽媽。重視健康生活，關懷綠色地球。