爆芒好多人都試過，而個芒唔爆，我地都唔會睇清楚呢塊薄薄嘅透明芒原來係咁脆弱，佢原來只係一塊「食玻璃大」嘅透明片，No one cares。
人係犯賤，爛左先望多幾眼。你有幾可望下個菠蘿蓋，除左PK之後。對住我地副body，我地最多睇個頭，睇塊面，即係細個望住蛋糕，焦點離唔開粒最難食但最靚嘅藥水味車厘子。
寫文之時，病人因腎癌屍肝差點死，最後又做到移植嘅好消息，將會成為一陣子嘅討論話題，然後又會被淡忘。但係一條長長的疤痕就會留喺病人或捐肝者身上。無親身經歷係好難明白病人感受，就如沈祖堯醫生唔肉隨砧板上，都未必感受到病人嘅無力感，而當年我捐完肝之後，最常做嘅係得閒無事拿起件衫，成日望住個肚條疤痕，諗返都差不多望左我一世人嘅quota。
這種狀況就好似熱戀期嘅男女咁，開頭下下都呵住佢，時不時就望下呢條廿幾厘米嘅蜈蚣形疤痕。到你個心覺得出得街，見得人，你就開始帶佢見朋友，宣示主權，而呢個戰場就係泳池。我地正常會用千百種方法去遮遮掩掩，但原來當你唔介意嘅時候，你反而會知道呢個就係你嘅標記，你嘅風格。
----- 廣告 Ad -----
究竟我呢副身體，可以做到d咩，往往係喺你注視傷痕，懷疑自己嘅時候先問嘅問題，問問下就好想知，以後仲可唔可以做番同樣嘅事呢？
只有越健康嘅人先會越想睇自己副body，唔靚嘅嘢又邊有人想睇？又點解要等醜左先嚟睇？
更多:
Fitz.hk Facebook專頁
戰勝恐懼的動力叫生存
斷咗腳嘅人最想做咩?
Law少@Fitz.hk
Fitz Running 跑步
Law少 許耀斌
人稱Law少，前電台主持及監製，酷愛體育運動，多次參加馬拉松及毅行者活
動，近年更嘗試進軍三鐵及渡海泳。對於跑步、對於行山、對於比賽，均有深刻而令人動容的看法。著有《原來在沒有盼望 的地方才需要盼望》。