[每日要飲] 開工禁飲水 等同慢性謀殺

化妝師 Maysun 喺佢嘅 Facebook 爆出「堅．無良僱主」，話尖沙咀一個大型商場嘅清潔姐姐，工作期間係唔可以飲水，仲要同每一個如廁後既人講再見。事件爆出後，大量網民齊齊聲討，而連立法會議員都話要出手相助。

有人話，工作期間唔畀飲水，或者屬於工作需要。人有忍耐能力，口渴可以其實係可以忍。不過，人無嘢食幾個星期都仲頂得住，但無水飲只能頂住3至4日。所以水對人類真係好重要。

長期飲唔夠水，可以傳致口腔疾病、便秘、疲勞等健康問題，嚴重會導致腎石等嚴重疾病!

每日飲幾多水先夠?

根據香港衛生署嘅「健康生活」指引：

每天要喝6-8杯流質飲品(包括清水、清湯等)，以促進身體健康。

一般專家指出，每日8杯水，大概相等於2公升，呢啲水可以由其他流質飲品，或飲物 (如生果) 等吸收。而8杯水要分喺唔同時段飲。其中最重要係朝早起身後，以及進食之後。不過近年唔少醫學研究，都指「8杯水」 呢個講法過於籠統。事實上，人體需要多少水份，視乎體質以及身體狀況。包括：

1. 出汗情況
2. 體溫 (體溫高會令身體出汗)
3. 環境溫度 (天氣熱自然要飲多啲水)
4. 排尿量 (尿液包含不少身體水份)
5. 呼吸緩急 (呼吸也會將身體水份排出體外)

具體來說，如果喺高溫下持續運動，會比起靜靜坐喺冷氣房，需要飲嘅水肯定比較多。至於「清潔姐姐」開緊工，亦屬於體力勞動，肯定需要比平時補充較多水份。

所以，唔少醫學報告都指出，與其斤斤計較每日飲幾多杯水，倒不如根據呢個原則：

感到口渴，就去飲水。

專家認為，口渴嘅感覺就係身體嘅安全機制，去提醒你身體缺水。所以，依照口渴嘅感覺去飲水，絕對可以令你補充足夠水份。

口渴唔畀飲水，就等於急尿唔畀屙，唔單只係酷刑，仲係慢性謀殺，極不人道!

(按：飲水對身體的好處，詳見《7個必須常飲水的原因》).

資料來源：Authority Nutrition、Business Insider

更多:
Fitz Facebook 專頁
[郁民教室] 行山飲水基本知識
飲水都肥? 多飲水會瘦腰圍才真! 來學學怎樣飲吧!
Fitz Diet 飲食