海洋公園宣佈，園內三大經典機動遊戲「極速之旅」、「滑浪飛船」及「越礦飛車」，將服務至8月底，9月1日正式關閉。
滑浪飛船
「滑浪飛船」於1984年投入服務，係海洋公園現存最悠久歷史嘅遊戲之一。由於危險性唔高，適合一家大細玩，可以話係海洋公園最經典遊戲。
越礦飛車
2000年開放，為香港首部有主題嘅過山車，坐落位置完全臨海，當時被譽為東南亞風景最靚嘅過山車。有傳越礦飛車嘅位置，原本係計劃興建一座木製嘅過山車，不過因為危險程度太高，於興建途中被否決。
極速之旅
2001年開放，係香港第一部跳樓機，開放時於年輕人圈子極為哄動，當時視為海洋公園必玩遊戲。跳樓機差唔多20層樓高，每座塔每次可乘坐12人，以慢速爬升到頂，停頓幾秒後以時速40英里墜下至一半高度，反彈回升一小段再下墜，歷時約3分鐘。
----- 廣告 Ad -----
多番救亡無果
政府2020年委任富商劉鑾雄之子劉鳴煒，出任海洋公園董事局主席後，公園隨即傳出負債消息。去年政府撥款54億予公園重生，但搞過露營、行山、瑜伽活動後，仍然未見起色，而家終於宣布要關閉多個經典機動遊戲。
海洋公園「森度遊」宣傳照
舊嘅唔去，新嘅唔來，唔知劉公子有無辦法令公園起死回生了。
資料: 881903.com
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。