係，呢兩個穴位一齊用有「清補涼」嘅效果，唔使煲唔使睇火，慳水慳力慳功夫，係咪好想知呢兩個穴位喺邊呢？
好，就開門見山同大家介紹下「清補涼穴位」!
魚際
你會睇到呢個穴位有一團火，因為佢係肺經滎火穴 (滎火穴為五輸穴之一)，簡單呢講要清瀉肺火的話，魚際可以幫到手，尤其是咽喉腫痛、失聲咳嗽，療效唔錯～
點解叫魚際?
呢個穴位喺拇指掌指關節後，呢個位置肌肉比較豐滿，成塊魚腩拖羅咁，又咁啱喺赤白肉際交界位，咪叫魚際囉!
仲未明嘅話，睇下面幅圖就明：
----- 廣告 Ad -----
好好運用你雙手上的「拖羅」，清肺瀉熱冇難度！
太溪
太溪，著重一個「補」字，佢係腎經原穴，亦係回陽九針穴之一。
回陽九針穴? 聽落好似有起死回生嘅功效喎!
其實，回陽九針穴有回陽救逆作用的九個經驗穴，主要用於暈厥、虛脫等陽氣脫絕的病人，係古時臨床上急救的常用穴位。而今時今日若遇到咁危急既情況當然要即時 call 白車啦～
----- 廣告 Ad -----
然而，太溪就主要滋腎陰，補腎元，多用於慢性腎病，例如慢性腎功能不全，慢性腎炎及糖尿病等。
點解叫太溪?
所謂太者大也，溪者川也。(筆者偽文青上身，哈哈!) 腎經腎水起源於足底湧泉穴，經過足弓內側然谷，聚流而成太溪，並由此處轉注入海 (呢到所講嘅海，就係腎經的水源)。筆者咁樣理解，呢個穴位係輸注溪流之水的地方，故名太溪。
| 魚際 | 太溪 | |
| 位置 | 在拇指掌指關節反凹陷處，約在拇指掌骨中點橈側，赤白肉際處 | 在足內側，內踝後方，在內踝尖與跟腱之間的凹陷處 |
| 所屬經絡 | 肺經 | 腎經 |
| 備註 | 滎火穴 | 原穴，回陽九針穴 |
| 功效 | 宣肺止咳，清熱瀉火
清利咽喉，消腫止痛和胃降濁 |
滋腎陰，退虛熱
壯元陽，利三焦 補命火，補腎強腰膝 |
| 主治 | 虛勞，症見骨蒸潮熱，咳嗽咯血等 溫燥，症見頭痛身熱，乾咳無痰，氣逆而喘，咽喉乾燥，心煩口渴 |
|
*米奇醫師為執業女中醫師
原文載於 澤聲中醫
更多：
Fitz Facebook專頁
[米奇中醫堂] 穴來穴對: 人體穴位有咁多，點先記得晒? (醒腦開竅人中與合谷)
[米奇中醫堂] 醫食同源：杏仁
[米奇中醫堂] 醫食同源：雪耳
[米奇中醫堂] 口瘡痱滋赤痛 引致茶飯不思?
米奇醫師@Fitz.hk
Fitz Life 生活
米奇醫師
一開始踏足社會，就是在香港大學聲線研究所學習何謂「研究精神」。若干年後，膽粗粗帶著此精神在澄明堂私人執業，每天憑著這團火繼續燃燒僅餘青春，慶幸成為熱愛工作的幸運兒。