圖片來源：土木工程署文件
繼發展郊野公園、填平船灣淡水湖之後，政府又爆出開發土地新計劃，呢次佢嘅目標係吐露港。政府研究聲稱，計劃於吐露港馬料水一帶，填海60公頃，連同搬遷後嘅沙田污水處理廠，合共有88公頃土地，可以起1.1萬個住宅單位，俾3萬4千人居住咁話。(註一)
60公頃即係有幾大? 即係約莫等於半個鴨脷洲，3個維多利亞公園，或者1個白石角。聽落唔算好大。不過如果話要起多個白石角，無疑吐露港即刻細咗!
- 棕地1300公頃：可興建超過86萬個單位；
- 農地1000公頃：可興建66萬個單位；
- 短期租約用地800公頃：可興建53萬個單位。
上面呢啲可以用嚟發展嘅土地，加加埋埋都有成3000公頃，咁都唔去發展。為咗60公頃，就要填海去搞同市民息息相關嘅休憩空間?
吐露港若果填海，科學園及白石角舉行的長跑比賽隨時要另覓地點舉行。
----- 廣告 Ad -----
其實新聞一出，各方人士已經有所回應：
- 市民：幾十年來，吐露港為市民踩單車、跑步、漫步的好去處。政府在不著力找尋發展用地的情況下，去破壞美好景觀，置市民利益於不顧
- 跑友：吐露港為本地大多數中小型比賽嘅場地，發展馬料水意味連這條賽道也會被逼遷。大家要跑馬仔，唔通只能夠去台灣日本?
- 環保人士：2017年年中，香港大學公佈調查報告，指在吐露港發現4種瀕危及罕有物種。即係話，如果再喺該處填海，生態會進一步被破壞。(註三)
- 吐露港水質差，亦影響本地養魚業，本地食物供應減少，大家就更加要倚賴鄰近地區了。
之前是郊野公園、船灣，而家到吐露港，下次又會是什麼地方呢?
資料來源
- 註一：立場新聞《馬料水擬填海60公頃 提供1.1萬單位 公私房屋六四比》
- 註二：《為香港土儲計計數》，作者：龍子維，刊於獨立媒體
- 註三：東網《海洋生態中期報告 吐露港現3瀕危1罕有物種》
更多：
Fitz Facebook 專頁
[白石角亂象] 維護賽道 人人有責
Fitz Running 跑步
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。