難得放假，當然要去做運動！今朝同跑友去柴灣山上跑了一圈，雖然沿途有樹蔭，但後來發現皮膚又紅又腫，似有少少曬傷。一邊責怪自己無搽足防曬之，一邊上網搵急救方法。
其實，大熱天時無論去行山、跑步抑或遊行，都好難避免喺陽光之下曝曬。以下係小妹搵到嘅「暴曬急救DOs & DON’Ts」，希望都幫到大家：
DOs
1. 大量補水：無論曬前、曬中、曬後，都必須持續補充水分
2. 使用蘆薈液：曬傷後要避免使用成份複雜的曬後乳霜，反而越簡單卻能更有效修護皮膚，單純嘅蘆薈液已經係非常好嘅散熱劑
3. 充足睡眠，以幫助肌膚盡速恢復健康狀態
4. 面部保濕：請挑選以保濕為主，不含酒精、美白等成份的化妝液敷洗面部。使用前，記得睇清楚成分
5. 穿著寬鬆衣物、因為緊身衣服會增加皮膚磨擦，不利修復過程
DON’Ts
6. 避免長時間浸在水裡，以免阻礙皮膚修護
7. 冰敷時，避免冰塊直接與皮膚接觸，造成凍傷
8. 避免使用有添加、酒精及具美白功效嘅保濕產品，以免刺激肌膚及反黑現象產生
9. 避免使用去角質、剝離式面膜，以免造成二次傷害.
10. 避免將生蘆薈直接塗抹於曬傷處：曾經有報導指，生蘆薈嘅黏液易引發過敏發炎，應避免直接敷喺患處
還有，夏天喺戶外活動通常會消耗大量體力，如果覺得疲倦，可以飲低脂朱古力奶或健身蛋白奶粉（Protein shake）補充體能。今個夏天，要記住以上10點哦！
資料來源：變型男、蘋果日報
更多：
做完運動 竟然飲佢最好!?
夏日防曬防蚊方法
夏天做運動 一定要識變通
烈焰神功
Fitz Life 生活
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」