一直以來，為人父母都堅信電子遊戲對小朋友百害而無一利，唔少人相信打機會壞眼、影響專注力，甚至影響智力等。不過最近英國有研究，竟然鼓勵青少年玩多啲電子遊戲。
最近一篇刊於學術期刊《Psychological Medicine》嘅研究報告，指打機較多嘅11歲嘅青少年，比少打機嘅同齡少年，患上抑鬱症嘅機率低24％。呢份由英國倫敦大學學院做嘅研究，係收集咗英國、瑞典及澳洲三地共11,000名少年嘅數據，而得出呢個結果。
----- 廣告 Ad -----
負責研究嘅博士學生 Aaron Kandola 發現幾點值得大家思考:
- 研究發現電子遊戲可推動少年與同齡少年建立朋友關係，有助佢哋嘅社交發展；
- 缺乏運動係青少年患上抑鬱嘅成因之一，電子遊戲有助較少體育運動嘅青少年加強肢體活動，減少佢哋患上抑鬱症嘅風險；
- 暫未有證據證明電子遊戲對青少年心理有正面影響，不過至少證實打機唔會有壞處。
Aaron 強調，青少年心理衛生係現今社會一大課題，所以只要幫助佢哋，咩方法都不妨一試。
永誠
講求綠色、環保、天然的健康生活。推廣新一代健康生活文化。