[Pokémon Go] 精靈訓練員的健康指南

各位訓練員，收集精靈、訓練精靈，都要保持良好體魄。坊間已經有唔少人叫大家注意安全，不過大家亦都要注意自己嘅身體健康：

1. 注意體力透支：平時少做運動嘅訓練員，因為搵精靈而行得太耐，可企下休息一下，切勿令筋體勞損。
2. 定時飲食：捉精靈都要定時定候食下嘢，話唔定喺餐廳都有精靈出沒。
3. 注意補水：天氣酷熱，在烈日下每小時最好飲半公升水。
4. 注意防曬：太陽太猛烈會曬傷皮膚，可預先搽防曬或擔遮。
5. 護眼：手機藍光會影響視力，特別在黑夜環境，每玩五分鐘，停下來，望望遠處景物。
6. 事前事後的伸展：Dup低頭玩手機，易會肩頸痛。可間中做以下動作，以舒緩肌肉緊張。

後話：
唔少跑Group、行山Group，對於Pokemon GO都意見分歧。有跑友相約跑步，齊齊捉精靈；有山友甚至結伴上山！亦有唔少人，覺得手機遊戲要不得。

其實，《Pokemon GO》呢個玩戲，其中一大特點，就係鼓勵玩家要步行。有人甚至話，以每小時10公里 (即係6分披) 去捉精靈、孵蛋，係最有效益。用捉精靈去鼓勵大家跑步、步行，其實可以接受呀！

其實，就算大家好懶，郁都唔想郁，至少落公園行下都叫做有益身心！

(當然，行街打機要注意安全，千祈唔好阻街！)

更多:
Fitz.hk Facebook專頁
我的運動回憶 (五) 開心男女踢波仔
[金SIR教室] 急救—人人需要的觸覺
食泡菜可以幫助減肥嗎?