[TED TALK有樂] 櫻木再入一萬球都超越唔到流川?

櫻木再入一萬球都超越唔到流川?

有睇過男兒當入樽都知道，白癡如櫻木花道都明白 Practice Makes Perfect 嘅道理，所以佢定下一個暑假入一萬球罰球嘅目標。但有機會你都係同櫻木一樣咁勤力，但練極都無咩起色，點解?

因為練習都有獨特嘅方式，呢條片係講精英運動員的秘密，其中一樣就係 Deliberate Practice。

佢所練嘅就係為咗「剛好超越」而家嘅能力。以練習射罰球為例，個個都好似櫻木咁練，但有無人記得，有人會喺籃底用起高拋物線，甚至你一定有試過喺板後射去射前，呢d看似無聊嘅動作，其實就係鍛練緊「拋物線」，同意?

呢個就係 Deliberate Practice!

第一步：Fundamental practice

有睇 Stephen Curry 射波，都知佢射到天咁高，歷來偉大的三分射手都係，而 O’Neal 射罰球係平嘅，咁你明啦。

所以練射波，要練好條線，平飛就無穿針波。去練籃底射到幾層高到再入啦。

所以中國人學功夫先紮馬就係練基本功。做任何嘢都一樣，搵出邊款基本功要練。

第二步：Repetition

呢個時候，你可以櫻木啦。

第三步：Specifying

唔止要，入要穿針，精益求精。

第四步：Feedback

你需要安西教練俾意見。即係練到幾叻都保持虛心。

好，有個場就有得練，無個場點練?

呢個超緊要，爆緊要。

*黑暗中練習: Visualisation

以下呢個 case 仲誇張，一個高爾夫球手 Colonel Nesmith，越戰被監禁七年半，之前佢係打95桿嘅球手。

七年半後，你覺得佢會打成點?

70桿。坐完監仲進步咗，發生咩事?

佢被監禁嘅時間，不斷做一個練習，放件衫喺地下，swing，想像個波碌到去邊，入洞，不斷重覆。你可以話，佢專心喺腦裡面練咗七年波。

我都記得美斯都有話幻想過點樣過人，點樣射門，點樣入波。

所以，所有工作都可以透過喺腦入面練習達到真實練習的效果，因為佢地用緊同一個地方運作。做保險、做 present、演講、表演，記住一次又一次幻想不同情況，咁迫地鐵都可以進步。

最後鼓勵大家唔好俾現實環境所限，咁櫻木花道都可以轉身射個三分波。

最後講者俾咗呢句。