如何令頹廢人做運動(聖經版)

圖片來源：陳鳴威 弍拾秒滋間

每個人都頹過，但係點樣唔再頹永遠都好似不知不覺，講唔出個方式，直頭你又遇上一個頹神，以前頹係失戀最大權利，聽《病人》（陳曉東百份百隻歌）就知，而家頹係生活嘅常理。要對抗歪理，我會嘗試去真理度尋找。

聖經。

呢一章講一個大先知（以利亞）以利亞勸個皇帝（亞哈），但佢又講極唔聽，然後行哂神蹟都無乎，仲有俾皇后（耶洗別）追殺，以宜家標準，即是打工仔死做爛做，仲要俾老闆娘針對，勁R頭。結果大先知都頹咗。

列王紀上19章

亞哈將以利亞一切所行的和他用刀殺眾先知的事都告訴耶洗別。
耶洗別就差遣人去見以利亞，告訴他說：明日約在這時候，我若不使你的性命像那些人的性命一樣，願神明重重地降罰與我。
以利亞見這光景就起來逃命，到了猶大的別是巴，將僕人留在那裡，
自己在曠野走了一日的路程，來到一棵羅騰【小樹名，松類；下同】樹下，就坐在那裡求死，說：耶和華啊，罷了！求你取我的性命，因為我不勝於我的列祖。
他就躺在羅騰樹下，睡著了。有一個天使拍他，說：起來吃吧！
他觀看，見頭旁有一瓶水與炭火燒的餅，他就吃了喝了，仍然躺下。
耶和華的使者第二次來拍他，說：起來吃吧！因為你當走的路甚遠。
他就起來吃了喝了，仗著這飲食的力，走了四十晝夜，到了神的山，就是何烈山。

節錄完經文，我地發現，一個口嗌住「你都係俾我死啦」嘅頹人，就等如一個「你唔好拉住我」嘅人，佢係等人救，等人拉（唔係差人）。

所以一個對生活無哂興趣嘅人搵得你，都係等緊你。做咩呢？搞搞佢。call 完你上屋企又大被冚過頭死瞓，就係等你搞醒佢，再聽佢呻。

而按聖誕所寫，你第一件事係應該極矛盾地，由佢，即是佢叫你上去佢屋企睇佢瞓覺，係有些少老尷，不過其實係一個誠意測試，如果你就咁走，佢可能真係會做傻事。

然後，所有電影男女主角嘅絕招係，煮粥，個「病」人起身見到碗粥，無論熟唔熟，都會超冧，

一個天使拍他，說：「起來吃吧！」

不過可能煲粥太好味要lur多碗嘅關係，佢食完一個屈尾十再瞓。

然後你再嚟，「起來吃吧！」，食完一齊落街跑步啦。

細個睇味吉陽一最記得，最高境界係煲左碗粥俾臥病在床嘅味仙食，佢頹到只可以喺腦海到邊叫好好味再跳上幾層樓，然後現實係郁唔到。

相比之下，天使碗粥係足夠大先知行四十晝夜，即是二十個毅行者，唔係超級，而係超癲或神級毅行。

總結：對付一條失戀失業失學失寵失身嘅頹茂利，謹記

1. 佢搵你就去，聽佢呻佢唔理你又唔好走。
2. 佢扮瞓，你就搞佢⋯廚房，所以起碼要識煮即食麵，亦加快整醒佢嘅程序。
3. 練好天使聲：起身食嘢啦
4. 佢會再瞓，所以麵要帶兩包，粥可以煮多d。
4. 滿足完口腹之慾，唔好傾計，落街做運動，等佢身體安慰佢自己，禮成。
5. 如果無做開運動，咁就等你自己變頹啦，立即變頹得咗。

值得一提，神一早已經設計好情緒輔導模式同運動釋放安多芬機制，世人善用就可以。

當然夫妻關係，有更多唔落街運動可以選擇啦，祝福各位頹人身邊嘅頹人。

更多：
今天，把昨天的自己好好埋葬
Law少其他文章
Fitz運動文章