陪另一伴做運動，既有樂趣，又可慳錢
有人為咗想持續做運動，希望有人督促，結果畀咗一大筆錢join健身中心，點知中伏（詳見Fitz.hk文章《無良健身中心中伏血淚史》）。專家就話，搞咁多做乜丫，拉身邊另一半落水，一齊做運動，效果真係好到無人估到！
----- 廣告 Ad -----
以色列特拉維夫大學做過研究，佢哋針對一萬五千人，追蹤長達二十年，發現情侶或夫妻只要其中一人，能夠維持良好嘅運動習慣，就可「感化」另一半，認真做運動。
報告話，兩夫婦之間，如果老婆有運動習慣，老公做運動嘅動力就會提升70%；而老公有運動習慣，老婆做運動嘅動力就會提升40%。報告仲講明，如果諗住健身教練可以增加自己做運動嘅動力，倒不如搵老公老婆，年中一定慳唔少。
資料：uho.com.tw, Tel Aviv University
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。