立法會工務小組噚日開會，其中一項係討論屏山嘅運輸交匯處嘅工程。有議員發現，政府提交嘅文件，計劃會喺該處起30個單車位，預計花費310萬，咩話，咁咪即係每個單車位平均11萬!?
畀議員追問，政府官員就答「預多咗」，但香港嘅單車泊位本身已經無乜設計，大家都問緊點解一條柱要咁貴。之不過咁，屏山屬新界地區，唔少村民都要以單車代步，再接駁巴士輕鐵，既然政府咁豪氣，就不如參考下外國城市嘅例子, 搞好各區單車泊位嘅問題啦。
公平啲講，政府其實有喺北區試行雙層單車架，第一個試點係粉嶺，之後會陸續延伸至上水等地方，不過聽聞反應就麻麻，唔知香港幾時先會見到東京呢啲壯觀場面呢?
分享連結:
