[滾動吧!] 滾動台灣第二天! 無盡的林蔭道路

準時8點正，滾動吧!五子齊集台中車站準備出發!
當然剛剛起步，少少阻滯就少不免，因為一個鐘頭之後，我地就發現一個噩耗，就係行錯路!!抱著不死堅持，我哋重回正道繼續奮鬥。。。半小時後。。。阿祥爆胎了!!唔緊要。。。預咗!
Ronald神即刻施展看家本領，換呔之神唔係浪得虛名嘅。好啦，正經講下路徑，首先我哋喺台中車站嘅時候真係幾辛苦，要同人車，機車爭位，但係台灣人對單車始終非常正面，仲好多時停燈位都會有機車司機問我想我哋係咪環島，同我哋加油，好窩心啊!出咗市區範圍之後就開始一帆風順，其實全部直路，以下就係我喺家明上記錄嘅路徑。

講到靚，呢條19號線一望無盡嘅大橋真係非常靚!其實好難得可以喺一個咁樣嘅地方踩車。中途站喺彰化。。。四條麻甩佬走咗去精誠高中。。。摸門釘影相。。。滴汗然後入到公路145非常少車，沿途林蔭大道，雖然辛苦，但係幾寫意。

我哋沿途keep住每兩小時就停一停便利店，不斷補給。 最後終於去到環島1號線，非常廣闊的道路，仲有路肩，真係單車愛好者嘅天堂!104公里之後，最後終於去到我哋今日嘅目的地，嘉義車站!! Hooyeah!然後我哋決定入住車站附近嘅民宿：FunTime Hostel
地址：台灣嘉義西區蘭井街342號
網址：https://www.airbnb.com/rooms/7519897?s=12

整體感覺非常不錯啊!! 之後又係時間做直播報平安：

聽日旅程大概路線 1→20→39→1
避開台南繁忙的地點。

好喇係時候準備聽日旅程了!!

[滾動吧！環台期間，每晚都會喺Youtube直播update最新情況，大家到時可以喺Youtube上面直接留言Live Chat，準時九點開始，應該得，除非唔得]

Youtube直播link：https://goo.gl/xNlV46

Fitz.hk Youtube: https://goo.gl/sZ3ET2
Fitz.hk ig: http://instagram.com/fitz.hk

滾動吧！單車日誌。Facebook專頁