王伯伯同佢部價值7萬5港幣嘅戰車
潮流興環台，唔少香港單車友環台之前都要做準備，練下體能，踩下大冷咁。不過，呢位叫王宗祐嘅伯伯就認真唔嘢少，佢話環台就環台，使乜諗咁多呀。因為王伯伯50歲退休後，呢21年一得閒就踩，先後環台22次！
總之，王伯伯話為咗身體好，為咗睇風景就對單車運動走上不歸路。佢除咗環台外，亦同班車友喺國內外周圍踩。不過，王伯伯對我哋呢啲民間車友最大啟發，就係佢嘅裝備。
王伯伯話，佢為咗要「更能體會好車踩起來的輕快感及人體工學的舒適感」，佢嘅單車越買越貴。佢21年嚟一換咗8部單車，總共加埋使咗100萬台幣（即約港幣25萬）。而佢現時嘅單車，就價值30萬台幣（即約港幣75000）。
王伯伯呢個換車理由，大家真係要記實。第日老婆女友問你點解要換車，咁你就識點答啦。
更多：
[一目了然] 踩車有法咪中招
高階單車路徑分享和注意事項: 大冷
Fitz Cylcing 單車
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。