繼上篇《唔怕俾人鬧單車L！公路單車十大潛規則》一文中提及這世上存在「單車女神」這個可遠觀而不可褻玩的神聖車界生物體後，小編發現很多車友似乎對這個題材抱有特殊情意結，似愛還恨之意表露無遺。
所以筆者決定要對「單車女神」作出深入、淺出、再深入、再淺出、再深入、再淺出。。。的分析，務必得出要成為單車界女神的秘訣，並付予實用，總結出以下要成為單車女神的終終終。。。。極秘笈。
1. 粉色系列
a. 由頭到腳，頭盔車衫手套風鏡車架車呔腳踏把布槍手，唔理係乜乜七七，唔使理邏輯，清一色粉紅，直頭當係你信仰，你就會由一個普通單車女性，變成一個視覺系嘅單車女優。（注：其實好多女仔唔係特別喜歡粉色，但男人好鍾意粉紅色的女仔，而對於身上呈現粉紅色的女性特別愛護有加，所以多年的教育令女仔喜歡上粉色為他們帶來的便利。
2. 單車
a.單車選擇方面，越專業越有效果，即係:TT > 公路/MTB/Fixie > 小輪 > 淑女車 > 代步車
b.價錢方面，越貴越好，記住你要成為神，就要有凌駕所有男人的銀耐。
c.建議配備:Dura-Ace Di 9000/Lightweight/GIRO/Rapha/SIDI
3. 宣傳
a. 加入各大網絡單車會，宣傳呢家嘢，唔使我講，各行各業嘅女神業如出一轍。
----- 廣告 Ad -----
4. 自拍
a. IG、FB、Vine、Snapchat咩社交網站都要經常上載自拍大頭照。記住，個樣一定要大過部單車，加filter要出盡力。唔好上載喺自己個FB, 要上載喺車會個啲Page.
b. 絕不要影雙腳。
5. 技巧
a. 女皇出巡絕不能踩得太快，不能快過你嘅兵團，最好落斜慢過上斜，比機會士兵喺娘娘身邊伺候，形成保護網，天下太平。
6. 外貌
a. 秒秒鐘保持可愛面容，好性感嘅樣，即使用大餅上緊大帽山。
只要熟練神功，定當享受女神優待，放個屁都有人「排」的可貴體驗。
祝升仙成功。
更多：
Fitz單車文章
杜光庭facebook單車專頁：滾動吧！單車日誌。
那年秋天，我以15萬買回我的鎖骨
唔怕俾人鬧單車L！公路單車十大潛規則
----- 廣告 Ad -----
