[重口味] 飲人奶為增肌?

https://www.youtube.com/watch?v=MLCKkc3f-sQ

為咗健身，有人會食生雞蛋，正常啲可能會飲蛋白粉，但係點都估唔到，有人選擇飲人奶。

今年32歲，來自英國Essex嘅Danny Davidson，過去5年為咗增肌，每星期都飲幾日人奶，每次100cc。Danny話，之前佢日操夜操，身材都無改善，直至佢開始飲人奶，個人明顯大隻咗，自信心返晒嚟，胸肌由Medium Size升級至XXL！點解Danny會咁重口味呢？原來5年前佢喺Gym房中遇到一班欖球員，佢哋話飲人奶可以輔助肌肉增長，半信半疑之下照做，點知經過一段時間，肌肉果然有增無減。睇到呢度，大家可能會問：「咁多人奶邊度嚟？」聽老婆Debbie所講，佢真係好唔鍾意Danny咁飲法，寧願到佢哋有小朋友時先飲自己嗰啲，因為至少知道係乾淨同安全…咦，咁即係話，啲人奶係嚟自陌生人？無錯，佢哋全部都係Danny網購返嚟嘅！嘩，咁樣好危險噃，因為有健康組織警告過，買陌生人嘅人奶返嚟飲，有可能感染肝炎甚至HIV！不過，Danny依然話無有怕，效果咁好，點都要冒呢個險！

講到呢度，小編真係無言了，想操fit都唔使去到咁盡啩？咁搞法，真係隨時衰過打針同用類固醇呀，各位千祈唔好學呀！

資料來源： Huffington Post UK

更多：
蛋白質與肌肉的關係
增強肌肉訓練 Muscle Hypertrophy(訓練篇)
Fitz Fitness 健身