行山杖正確使用方法: 調校、上斜、落斜

行山新手添置裝備，其中一個考慮，就係用唔用行山杖。事實上，用唔用行山杖行山，好視乎個人習慣以及活動實際需要。諗住快步行石屎郊遊徑，行山杖未必大派用場；計劃負重遠足露營，行山杖又會係好幫手。

不過，無論平時有無用開行山杖，最好都學識點用，萬一發生意外時要借助行山杖應急，都唔會得物無所用。

行山杖嘅關節種類繁多，第一步應該要學: 點樣整鬆佢哋。

點樣調校行山杖

1. 將行山杖關節鬆開，拉至最大長度 (唔好拉晒出嚟，小心超過每一節限制)
2. 在平地上站立
3. 上臂垂低，前臂與上臂成直角90度
4. 前臂拎住行山杖，將行山杖垂低，縮至合適長度
5. 鎖死關節位就OK (注意: 唔好扭太實。行山遇到水氣，要解鎖隨時玩你半粒鐘!)
6. 另一支嘅長度，要同第一支嘅一樣
7. 調校腕帶 (見下圖): 腕帶喺行山用嚟借力，用得好真係慳唔少力

上斜時，點用行山杖?

1. 身體保持挺直
2. 不必調校行山杖長度
3. 杖尖不要超過身體，頂住地面向後推
4. 較斜嘅路面，可將杖頭稍稍向前伸 (身體亦微微向前)，杖身用力向下，以行山杖令身體爬升

僅供參考

標準嘅上斜方法

落斜時，點用行山杖?

1. 行山杖呢個時候用嚟減輕落斜嘅衝擊
2. 行山杖杖尖放在身體前面，用以支撐身體重量
3. 必要時，可調長杖嘅長度
4. 身體此時應稍微向前。注意，若果屬新手，呢個方法有啲危險
5. 若路面太斜，經驗不足，可放棄用行山杖，以保安全

資料來源: 台灣消防署

短片示範:《山藝讀本》作者 何偉明

選購行山杖

現今行山裝備講求輕量，所以碳纖維製造嘅行山杖大行其道，不過留意碳纖維質料有一大缺點，就係堅硬但十分脆弱。唔少用家於著地時角度唔啱，加上用力不當，就會當場折斷，因此而受傷嘅大有人在。所以，選購行山杖唔一定講求輕、講求貴，一切視乎實際需要及用途。