返工除咗搭車,重可以跨過座山返_04因為有小朋友的關係,不想放棄佢成長的時光,所以多數偷取佢休息或學嘢嘅時間,上山獨樂。而因家住元朗,工作在港島,我會不惜凌晨起身,轉幾程車去行,行完再返工。經過幾次的行動,已習慣早起,加上行完反而更精神!

返工除咗搭車,重可以跨過座山返_01
沿衛徑方向行至小馬山頂

今次選擇了行渣甸山過小馬山及寶馬山再回北角公司,貪佢唔駛再轉車返工。無獨有偶,早輪見到另一作者Eric的一篇文章說類近路線(上山賞海賞大潭–港島徑第五段),所以前段的細節不再多提,因衛徑2段與港徑5段有約一半是重疊的,所以我會介紹轉上小馬山頂的路線。

過渣甸山後沿石礦場邊上達小馬山,一路上兩旁均為矮樹,所以360度景色盡收眼簾,依個時候當然要影返張Panorama。

返工除咗搭車,重可以跨過座山返_02
小馬山上全景(按圖放大)

沿途路線清晰,平坦易行,加上景緻開揚,心情大好,如果不是趕返工,一定”hea”夠才走。

返工除咗搭車,重可以跨過座山返_03
小馬山橋

過咗小馬山後,下降一條樓梯到小馬山橋,之後左右兩邊皆能去寶馬山,但左邊要再上一個小山峰,右邊則是一路下降至平坦路段,再接鰂魚涌緩跑徑,此段略為沉悶,樹木阻擋大部分視線,但不時見到晨運客,互相問好,感覺親切。最後經過培僑中學右轉街心公園旁的樓梯直落至七姊妹道完成行程。


成日尐人話想行山,又話無時間,其實,時間是自己安排的,所以只要想行山係無藉口放棄的!

孤高山人’s Instagram @lonely_mountaineer

更多:
Fitz.hk Facebook專頁
上山賞海賞大潭 – 港島徑第五段
大潭水務文物徑(上)
Fitz Hiking 行山


文章為作者意見,不代表Fitz立場。

歡迎投稿: https://fitz.hk/contribute/

廣告