編按：後面紅衫坐喺度煮緊嘢嗰位好有型好有格嘅年輕人，就係著名嘅何良教授。
先宣布：我今年無得玩毅行呀，唔係抽唔到，唔係無朋友
就係有唔少隊，同太多朋友
古語有云：得唔到先至最美好！
仲有一個月時間，我先最想行呀！
特此呼籲：隊友如有任何傷病，心情唔好，練習不足，缺乏信心，心悸失眠，想搵替補，人品唔差（我講你地），知我乜水，打算玩26-32小時嘅可以搵我做替補。（講笑啫）
----- 廣告 Ad -----
回味上年毅行嘅情況，九月埋隊，剛好操到全條一次，比賽當日以神速找數方式，把時間趕回來，剛好30小時內完成。2012及2015都充滿著我的性格特徵地完成，「埋尾點都死掂佢」。
人稱「長毛教授」之何國良教授（圖片來源: 何國良Facebook）
喺2016年年頭嘅時候，我問自己今年想點呢？呢個時候，偉大嘅節目主持人及教授何國良邀請一次2007後的九年重聚，我當然答應。（當年叫20304050，因為有廿幾三十四十五十歲嘅隊員）
又回想何良當年是如何帶一個失戀人士上山，你可知道每個上山嘅故事都因為呢d極其重要嘅老土元素而變得盪氣迴腸，可歌可泣，想知詳情睇番我3月sportsoho篇行山訪問（唔係無睇下嘛）
今年嘅我係想做當年嘅何良，每一個山友都係俾一條茂利帶佢去行，行行下玩咗毅行，同帶人信主無分別，行行吓PK就信咗。所以我所做嘅功夫就係，周圍問：「有無興趣？得閒抽咗先啦。」再喺過程中遇番山友小琳話考慮中，推佢報啦，再推幾個患得患失的人去報，然後我自己就在deadline後一個小時想報的時間，發現我隻錶七點、deadline六點。（又係我性格特質，埋到尾點都死掂佢，結果死咗）
廢話太多⋯
最終因為有唔同隊，我開咗四個group，然後最後無得行⋯
不過第一次參加的人數高達9/16，多我一個唔多，少我一個唔少，今年就會有9個人第一次連續走一百公里，將會係人生一個幾特別嘅旅程，甚至乎係將來幾千幾百公里的開始，求主保守平安。
請密切留意我地呢幾隊嘅情況，有機會你集齊四個人，下年一齊報啦，我可以帶你輕輕鬆鬆，開開心心體驗第一次。
(編輯家聯按：小弟2005年第一次渣馬、第一次毅行者，亦係多得何良教授導我入教。改變咗我後半生，亦改變咗我下半身。)
更多：
Fitz.hk Facebook專頁
[世界上最遙遠的距離] 嘉亨灣與鯉景灣之間
[視障馬拉松一哥] 梁小偉的十句說話
「老師、運動、反思」
Law少 許耀斌@Fitz.hk
本文屬作者意見，不代表Fitz立場。
