[港環港 HK Trekking 7] Day 3-4 鉛礦坳 > 鶴藪 > 扶輪營地

編按：旅遊達人 NAT & HIRO【跟星球去旅行 The Planet Journey】，谷主之一的 Hiro 於 2017年8月1日出發，計劃用7日時間走遍香港山徑，一共250Km。

• Day1 : 西貢 – 北潭涌 – 萬宜水庫 – 浪茄 – 西灣 – 蚺蛇尖 – 赤徑 – 黃石
• Day2 : 黃石 – 嶂上 – 雞公山 – 水浪窩 – 馬鞍山 – 昂平營地 – 獅子山 – 金山 – 城門水塘 – 鉛礦坳 – 大埔市區 – 大尾督 – 涌背營地
• Day3 : 涌背 – 船灣淡水湖 – 鹿湖峒 – 新娘潭 – 八仙嶺 – 鶴藪營地
• Day4 : 鶴藪 – 流水響 – 九龍坑 – 大刀屻 – 梧桐寨 – 大帽山 – 扶輪營地
• Day5 : 扶輪營地 – 田夫仔 – 吉慶橋 – 千島湖 – 九逕山天梯 – 屯門 – 青山 – 蝴蝶灣公園營地
• Day6 : 蝴蝶灣公園 – 坐船到大澳 – 龍仔悟園 – 石壁水塘 – 狗牙嶺 – 鳳凰山– 大東山 – 南山營地
• Day7 : 南山 – 梅窩坐船到中環 – 西高山 – 山頂廣場 – 黃泥涌峽 – 大潭水塘– 龍脊 – 大風坳涼亭 – 西灣河碼頭 – 坐船到油塘 – 行返秀茂坪屋企 – 完成!

Day 3 : 鉛礦坳營地 – 大尾督 – 船灣淡水湖 – 鹿湖峒 – 烏蛟騰 – 新娘潭 – 八仙嶺 – 鶴藪

經過尋晚個營入水大混亂，晨早離開營地出發又紅雨，勁狼狽! 究竟天文台咩料，乜日日都錯得咁離譜架~

大家放心，人已到達大埔火車站食早餐，第三日繼續進行

行行下行左去屋久島…又熱又焗又要爆林，呢條係乜鬼野郊遊徑呀~

有朋友補給真係好，一飯之恩外仲陪行山，無以為報呀~~

今日總結，水泡穿左行路小痛，上落極多雙腳少酸，所以行得慢左，又行到天黑，今日8點先到營地呀，快快趣起好營就食野訓~

Day 4 : 鶴藪營地 – 流水響 – 大刀屻 – 梧桐寨 – 大帽山 – 扶輪營地

第四日啦，一覺訓到7點仲可以沖埋涼先出發，真係正。我認我係遲左起身，但今日大刀屻及大帽山行程不變~~

我究竟係邊?好大霧呀~~~

咁大個仔第一次來嘉道理農場，仲要由粉嶺行過來，問你死未^^ 剛剛先知原來可以比30蚊訂金入去一個鐘架喎! 夠晒我時間食個午餐再參觀啦~~~ p.s.個素烏東好得

順利上到大帽山啦，望見今日家鄉~見大家睇左我咁多日自拍靚樣，比你地又睇下一個人拍片既辛酸，真係行左幾次架…