[獅子山精神隊] 友情分水嶺 (毅行倒數29日)

獅子山精神隊的第三次毅行，嚟緊11月將會發生，由2017年一班單純嘅傻仔年約20-60組隊去第一屆韓國毅行瀨哂嘢，鍛羽而歸，到年尾有醫生有精神病康復者同史上最大規模 support 隊伍，齊人四十幾小時走畢全程，最後兩個瞓喺醫療室，有醒到返屋企，到咗2018年，我地做咗啲乜，又想再做啲乜？

有一份心係無改變，我地歡迎任何有情緒問題或精神障礙嘅人嚟一齊行山，或者以完成毅行者做目標，或者唔需要，只係簡簡單單做個山友，做個朋友，每星期一齊感受大自然就夠。網絡時代，人際關係複雜，但在山上嘅友情就好似分享一支水咁單純，如果你喺山上需要一啲水，每一個路過嘅人都會毫不猶豫同你分。

喺香港嘅人生有唔同分水嶺，有時係成功同挫折幫我地分，而在麥徑上、香港山嶺上，每個人心目中都有一個「分水嶺」。

係「友情分水嶺」

如果可以，希望友誼永固，今年毅行目標係籌款，為其中一隊籌到$36000，令下一年可以優先開放俾想玩嘅初哥。我地人又要錢又要，希望你可以著住我地件隊衣，讓其他人都見到獅子山精神隊再八卦吓背後嘅精神。

『築字室』設計師方立一為獅子山精神隊設計一款兩色的隊衣，除了經典『獅子山』及『向高山舉目』墨寶，配合毅行路線圖，加上男女裝前後皆可拼成整條路線，扣除成本後會將捐款全數捐給樂施會，希望打爆籌款數字，首批隊衣預期在毅行比賽前送上。

以下係訂購連結，詳細可以了解吓，唔明可以搵Law少。

** 訂購連結 **

>> 更多獅子山精神隊的故事，見《[獅子山精神隊] 一件tee 一個故事》

有一班行山友叫「獅子山」Facebook專頁

Fitz連結: https://fitz.hk/?p=105452