睇do do姐個新花名did did就知道，do did Done 係幾咁影響深遠，雖然應用喺山上嘅意思會好唔同，尤其受傷這回事
此done不同彼done, 一個係完成，一個係玩完，無得行。我都曾經試過後者done。最近聽洪松蔭當日同小弟行嘅回憶都非常搞笑，佢話：「邊有人行緊第一段就已經話膝頭哥痛架？」我爆笑了，嗰個人係我。我唔係職業運動員，但好明白準備訓練，投入咁多心機之後，最難受就係受傷，被迫放棄。呢篇文其實係想好似諸葛亮幾個錦囊咁，尤其俾第一次玩嘅人，唔係真係完全行唔到落去，你都要繼續，因為過千隊參賽者當中就有一千幾百人因為受傷而無得參加，而你有機會而唔堅持，你會對唔住你自己。
堅持，堅持行落去，就係「毅」行最大精神，所有人隻腳都會攰同痛，都會好辛苦，但係呢d全部喺報名之前已經知道，而起步之後。你只需要知道，堅持行落去。如果你喺山度逃避，你返去現實生活，攰、痛、辛苦，你都一樣會放棄。
因為環境、成長、際遇而放棄嘅嘢已經夠多，可以把握，掌權嘅一次，我地就要行落去，行落去就有路行。
每個完成的隊伍背後有好多放棄、懷疑，但係一雙腿係自己，只有自己話行先郁到，四對腳要一致一齊行，先叫完滿完成。
受傷的do did done , 可以隨時打擊我地，有人一世無得再行，有人途中受傷，有人試過就算。
但毅行的do did done ， 係以前行過，行左百份之幾，同埋行唔行落去。紅黑紅紅黑，就係咁簡單。
「行到邊，總有夥伴喺身邊」
“Side By Side, Together We Thrive”
Fitz全力支持樂施毅行者2015
#Fitz.hk為樂施毅行者2015媒體伙伴
鳴謝：
產品贊助：Biotherm
裝備贊助：RaidLight
服裝贊助：Newline
更多:
Fitz.hk Facebook專頁
[Fitz出戰毅行] 給毅行支援隊的信：是你讓我們可以享受痛苦
[Fitz出戰毅行] 毅行的小確幸
[Fitz出戰毅行] 四人八腿首次齊踏麥徑
[Fitz出戰毅行] 痴線，我永遠都唔會行毅行!
[Fitz出戰毅行] 整裝待發 最後衝刺
人稱Law少，前電台主持及監製，酷愛體育運動，多次參加馬拉松及毅行者活
動，近年更嘗試進軍三鐵及渡海泳。對於跑步、對於行山、對於比賽，均有深刻而令人動容的看法。著有《原來在沒有盼望 的地方才需要盼望》。
