行山系列第三十三擊 –＃雞公嶺
路線特色 :
- 難度：★★★★☆
- 長度：★★☆☆☆（約八公里）
- 時間：約 4 小時（約30分鐘拍照時間）
- 起點：元朗／上水＞巴士76K＞逢吉鄉
- 終點：橋頭站＞巴士77K＞上水／元朗
JoyeeWalker其中一條好鍾意既路線！
沿途都有超級靚景！
睇日落更是一流！
途中又有多舊大石可以發呆 放空！！！
惟 無遮無掩 行落真係好曬！
帶足夠既水！小心中暑！
沙石路亦有一定難度！務必量力而為！
宜：＃追求刺激之人，＃巨石愛好者，＃睇日落，＃追求靚景
忌：＃行山初哥，＃路痴，＃怕曬黑
雞公嶺純文字攻略：
- 係元朗／上水集合，搭巴士76k係逢吉鄉落車，正式出發！
- 約1分鐘：離開馬路，右轉轉入逢吉鄉路。
- 約5分鐘：繼續沿逢吉鄉路右轉，然後靠左行。
- 約8分鐘：左方有小路上山（電線杆下），開始上山。
- 上山路只有一條，時有分叉都只係比電單車上山，殊途同歸。
- 約45分鐘：到達第一個打卡位。
- 約1小時15分鐘：到達第二個打卡位。
- 約1小時40分鐘：到達第一個三角網測站。
- 約2小時10分鐘：到達“那些年“巨石。
- 約2小時40分鐘：到達真．巨石。真巨石右方有路落山，請繼續直走前往山頂。
- 約3小時5分鐘：到達偽山頂，如快要天黑的話建議從原路落山。
- 約3小時10分鐘：到達真山頂。
- 約3小時45分鐘：到達一個需要留意的v字分叉路，請靠左行，行前50米左右會離遠見到一個將會經過的樹林仔。
- 約3小時55分鐘：經過樹林仔。
- 約4小時5分鐘：遇上一個十字路口，請先靠右行再右轉落山。
- 約4小時15分鐘：接上石屎路後左轉落山。
- 約4小時16分鐘：過橋後接上粉錦公路，右轉前往巴士站，搭巴士返元朗／上水！
Joyee Walker Facebook專頁
JoyeeWalker Youtube頻道
----- 廣告 Ad -----
Fitz 提提你：
任何行山遠足活動，必須在出發前作出詳細規劃以及準備，擕帶充足及合適裝備，以及告知親友目的地及回程時間。制訂路線，更要量力而為，注意補水，切忌逞強冒進。更多：《[顧己及人] 山野遠足安全常識》
更多：
Fitz.hk Facebook專頁
[JoyeeWalker行山系列] 4分鐘行完 靚靚沙灘《浪茄》
[JoyeeWalker行山系列] 3分鐘行完 高．香港兩隻牛《黃牛山》
[JoyeeWalker行山系列] 3分鐘行完 先苦後甜《九龍坑山》
[JoyeeWalker行山系列] 4分鐘行完 真・有難度《玉桂山》
[JoyeeWalker行山系列] 3分鐘行完 景靚又易行《南朗山》
Fitz Hiking 行山
Joyee Walker
用影片角度走過香港每條行山路線 比文字圖片帶出更深體會
用嚴選 精煉既片段 務求係最短時間 幫你選出真正適合自己的路線
好睇好玩？ 能力所及？ 交通方便？
必定比以往文字或圖片帶黎更有用資訊！