[Merrell Challenge備戰] 大城石澗終極一課_01為咗備戰4月17日嘅全新比賽Merrell Challenge,Fitz Team三位成員喺清明時節照樣開操,到大城石澗進行終極一課!

[Merrell Challenge備戰] 大城石澗終極一課_08
Fitz Team成員:WaiYi(左), 隊長小昭(中), 李照邦
Fitz Team介紹:

隊長:小昭
小昭要喺七周內完成八場賽事,Merrell Challenge係佢連續第5周嘅比賽。上次佢喺大帽山為咗唔畀人爬頭,怒衝落山,嗰份堅決同膽色,一定可以激發隊伍嘅鬥志!

隊員:WaiYi
去年韌帶嚴重撕裂後,仍制止唔到佢鋪行山癮,年底更開始復出參加各項山賽。在這之前,更懷疑再次撕裂(另一條)韌帶!好彩經檢查後,發現傷勢無大礙,可以出戰!

隊員:李照邦
囉唆大叔李照邦,自稱係山澗及定向新手,鬥志頑強,平時上雞公山當食生菜

呢次佢哋訓練地點係大城石澗,難度同上次馬大石澗不相伯仲,幸好天公造美,順利喺黃雨前完成這一課。

[Merrell Challenge備戰] 大城石澗終極一課_10

完成後,兩位行澗新手講下佢哋嘅感受:

[Merrell Challenge備戰] 大城石澗終極一課_07aWaiYi:「第一次行澗嘅感覺好刺激,好好玩。體驗到溯澗技巧比起單單行山要高,身體平衡好重要,需要用到手腳加上腰力,判斷能力亦好重要,要搵啱落腳點,否則就會跣到損手爛腳。因為之前有玩攀石,所以感覺上會較易上手,不過都跣左兩嘢!我覺得膽量都好重要,踏出第一步,踩上不平嘅石上面時,膽量好關鍵。
[Merrell Challenge備戰] 大城石澗終極一課_09李照邦不失其囉唆大叔本色,列舉10大行澗要點:

  1. 唔好咁stubborn,發現前無去路,就要後退,另找過河路線。
  2. 唔好咁old school,發覺路線不明,就上網查,接受最新消息。
  3. 唔好naked body,穿梭樹枝亂石,切記戴帽,手套有袖衫過膝褲。
  4. 唔要backpack,避免鈎著背脊,宜穿水樽背心,輕裝上陣夠食夠飲就算。
  5. 唔敢jumpy,容易跣腳朽柴,記著腳踏實地,除非好有信心。
  6. 唔掉rubbish,愛護自然環境,自己垃圾自己帶回家,最好執起其他人遺留下來的垃圾,亦要發聲糾正其他遊人的不當行為。
  7. 唔搞wild nature,珍惜花草樹木,飛鳥游魚走獸,只觀察留倩影。
  8. 唔亂著鞋,底要夠軟咬地,內籠唔「界」腳,鞋頭保護腳指,濕水要快乾,今次號稱wet grip的新款山澗鞋還可以。
  9. 最重要睡眠夠,拉筋足,平衡好,全身充滿muscle power。
  10. 最後緊記safety first,睇天行事。

[Merrell Challenge備戰] 大城石澗終極一課_15

講到呢度,介紹一下溯澗裝備:

  • 毛巾:濕水後抹身之用
  • 襪:濕水後更換
  • 求救哨子
  • 繩:遇有困難路徑,用來借力攀爬
  • 電筒
  • 加固電子產品嘅防水功能
  • 一般行山裝備:如糧水、急救用品等
  • 若要溯澗而行,不用帶行山杖

[Merrell Challenge備戰] 大城石澗終極一課_11

[Merrell Challenge備戰] 大城石澗終極一課_06

當然,仲有最重要嘅一項裝備,就係一對適合的山澗鞋。揀選山澗鞋,有以下4個要點:

  1. 溯澗易濕腳,鞋要排水功能良好。所以專業嘅澗鞋在鞋底有出水孔。
  2. 輕便
  3. 抓地性強:可以是鞋底嘅膠令阻力加強,亦可以是鞋底物質具彈性,可依附在石面上。但總體而言,澗鞋鞋底應比行山鞋為軟。
  4. 保護雙腳:溯澗容易踢到石頭,鞋頭最好有特別嘅保護。

[Merrell Challenge備戰] 大城石澗終極一課_03

Fitz Team隊長小昭,經過兩次溯澗訓練後,總結揀選行澗鞋嘅重點:

「其實一般跑步、行山鞋排水都唔錯,而抓地性能,其實亦取決於用家嘅技術。所以我反而要重視鞋嘅保護性能,因為安全應該係最重要。

[Merrell Challenge備戰] 大城石澗終極一課_02

[Merrell Challenge備戰] 大城石澗終極一課_14

至於佢哋呢次著住嘅大會指定鞋Merrell Capra Rapid,除咗符合揀選山澗鞋嘅4項要點,小昭對佢嘅保護功能亦相當滿意。

[Merrell Challenge備戰] 大城石澗終極一課_12

而另一位隊員WaiYi,就對Merrell Capra Rapid以下評價:「鞋型好貼腳,索繩設計除方便外,就係可以將鞋索到可以貼住對腳,減少鞋入面嘅空位,增加穩定性。鞋底舒服,暫時未出現腳底因鞋底硬而出現嘅痛楚。濕咗水後,好快乾。」不過,WaiYi都話天下間沒有不跣的石頭,所以行走濕滑路段,都要技術搭夠。

[Merrell Challenge備戰] 大城石澗終極一課_13

三位隊員,磨拳擦掌,希望喺4月17日嘅Merrell Challenge,締造佳績!

[Merrell Challenge備戰] 大城石澗終極一課_04

*Fitz.hk為Merrell Challenge大會媒體伙伴

產品提供:Merrell

更多:
Fitz.hk Facebook專頁
[Merrell Challenge備戰] 溯澗考驗你智慧
[很想和你行行澗] 送你3條一星級山澗 (附行澗須知)
[Merrell Challenge] 一次滿足晒三個願望嘅全新比賽
Fitz Hiking 行山

首頁 > 運動 Sports > 行山 Hiking > [Merrell Challenge備戰] 大城石澗終極一課