[Merrell x Fitz] 毅行者2016 為香港醫學會加油

今年，Fitz將聯同Merrell及香港醫學會，組成「Merrell Fitz HKMA Team」，出戰毅行者2016！

香港醫學會，可以話係樂施毅行者的中流砥柱，由1994年開始參與此活動，並由最早期的1隊增至現時20隊，而單單由1996年計起，至2015年呢20年間，喺籌款方面已贏得17次全場冠軍，為有需要及不幸人士籌募總共超過港幣二千萬，並透過教育、醫療及復康服務改善不少人嘅生活。

今次Merrell及Fitz全力支持嘅「Merrell Fitz HKMA Team」，係香港醫學會眾多參賽隊伍其中之一，成員包括：

由左至右: 夏威醫生、姚志鵬醫生、Bonnie護士、陳耀榮醫生（按圖放大）

夏威醫生 Dr William Sharr（隊長）
有「換肝聖手」之稱的夏威，是極少數香港能獨立進行活肝及屍肝移植手術的資深醫生，參加毅行者多年，去年是Fitz Team成員，負責帶領兩位毅行新手走完100公里。

姚志鵬醫生 Dr Christopher Yiu
參加毅行者10年，維持20個鐘左右嘅成績，有實力，更有毅力！

陳耀榮醫生 Dr Chan Yiu Wing
毅行者新手，但極具參戰決心。為咗今年毅行者，已經提早操練。

陳詠欣護士 Bonnie Chan
隊中唯一女將，去年Fitz Team成員，佢嘅忍耐力以及潛藏體內嘅爆發力，絕對令人印象深刻!

夏威醫生

Merrell Fitz HKMA Team 今年毅行100公里目標，係24小時內完成。不過隊長夏威醫生話，時間只係其次，作為醫務人員，佢哋更希望令大家關注健康生活：

「其實在職人士，或者成年人，每每忽略做運動嘅需要。我同埋其他3位成員，大家都有正職，工作都好忙碌。所以希望借呢次毅行者活動，可以畀大家知道，其實工作同運動，都可以取得互相兼顧。做多啲運動，身體當然會健康啲，你嘅生活亦會充實啲。而且，運動其實亦可以提升你嘅工作表現！」

夏威醫生仲話：「我哋呢幾位，其實都面對中年危機，心理同身體都有所退步。呢次毅行者其實可以話畀大家知，只要肯鍛煉，呢啲退步其實可以減緩。」

祝願 Merrell Fitz HKMA Team，今屆毅行者大成功！

毅行．傳承
Fitz.hk為樂施毅行者2016大會媒體伙伴

樂施毅行者官方網頁