[#毅行Secret 大集合] 男女大激鬥

續上篇:《[#毅行Secret 大集合] 飲食合輯 薯條茄汁花生醬》

有人嘅地方就有是非，男男女女行幾十個鐘，總有嘢想宣洩出嚟。記住，聶風講過:「凡事太盡，緣份定必早盡。」

唔開心嘅嘢呻完就算好鳥。

#4 任何仁

屌，唔識用pole就咪鬼用啦。落山又唔收pole，兩隻手圈住對pole喺地上拖行好L型呀依家？雞公落山我俾你kick幾嘢呀，仆街！

#31 道德L

呢兩年多咗好多民間攝影師幫大家影相，佢哋咁辛苦我哋當然好多謝佢哋啦。不過，某些網上相簿，唔知點解好鍾意搵啲囡囡做相簿封面。我去嗰啲相簿搵相，好驚畀我愛人睇到，驚佢以為我睇緊141….

(PS. 其實唔只毅行相簿，啲跑步比賽相簿佢哋都係咁樣處理)

#38 嬲女友

話說準備行上雞公山時，後面有個女仔著住件前面開拉鍊嘅衫，條拉鍊拉得低到睇哂佢個 bra，我見到行緊喺我前面嘅男友不斷回頭望，然後，我嬲左佢，一路行到去水浪窩都無理佢。#你去毅行係行山定睇女呀

#39 無名

今年毅行，有幸同女神一隊，我單戀了她很久，但苦無開口機會，毅行，令我倆可以見面見足36小時，其實是開心的，但，36小時，怎不能大便? 而我女神，更在山嶺上大便了三次，毅行，令我知道，原來靚女都要屙屎架!

#16 擦鞋仔

老闆屎忽痕話要參加毅行，一人下江三個同事陪葬;

呢幾個月太熱唔練太凍唔練落雨唔練打風唔練唔齊人又話唔練，個個敢怒不敢言；其餘三條友練到仆街有哂心理準備隨時要托住老闆過終點；點知去到毅行前一個月就話頭暈身慶九縮唔玩！

仆你個街我去邊度執一件返來補住full team?

結果毅行當日佢開開心心著住隊tee 喺終點等我地衝線，仲要面皮九丈厚咁走過來痴相影 (同黃色個大鐘)…

原來份糧係包埋的! You Win!

#2 第一次剪帶

致我的垃圾隊友，不自量力，累人累己，以為自己玩開其他運動同埋打開學界比賽就可以唔出席行山練習，毅行打真軍賴曬嘢，著埋D垃圾緊身褲磨到 9 都損，ITB又唔拉，過左雞公山就ITB痛，落山慢過蝸牛，搞到大塞車，食屎啦，DLLM。

#14 個晚係第一次

開頭就應承次次出嚟操 20次出得幾次 操個時又唔聽人講正確行山方法 好啦 受傷揾後備/換人 又推比隊友叫隊友決定 大佬呀 噤大個人有啲責任得唔得呀 自己講左要30-33完成 行個陣就速 梗係啦 冇操 行條命咩 拖住嚟行 我真係唔同你拖住行囉 衰仔啲都係噤話 剪帶

#7 好心一早放開我

隊友又係你話要早啲完，催你行你又問候我點解要催你行，仲話唔俾你抖，黑我幾個檢查點面，又要一路行一路俾說話我聽。我講剪帶果陣你又面露笑容，當我話行到檢查點先剪，你又話點解唔依家剪，究竟想我點?當我黑你面，話宜家剪果陣，你又話想行落去，究竟你想點，究竟你有冇諗清楚你想點? 當初你盛意拳拳邀請我入隊，難道我同你行我又唔攰?

#8 路人甲

我係M10見到有人犯規: 一隊全女team，6個十卜又出繩拖佢哋又有人喺後邊推佢哋，犯晒規。咁大團人，咁好難見唔到

不如你哋坐埋車去終點好冇，CLS
想犯規，就唔好着咁醒目嘅綠色隊衫啦!

#37 三人行

唔聽話的隊員，千叮萬囑當日唔好試新嘢，偏偏就著對新鞋。前ㄧ日已列清單執背包, 編編就唔帶頭燈。就算無胃口都要食，否則唔夠耐力，編編就只食Gel。結果十趾水泡痛歸心，四人三燈爬雞公，無力上路便要分。

#10  慢腳

每年上山塞車唔出奇，今年上山正情停哂車!希望大家唔太快嘅朋友可以靠邊行讓路比其他人，唔使其他人上一兩級就停係度，因為係咁停仲辛苦過慢慢上。

#22 唔快唔慢嘅中佬

萬里長城又黑又濕又窄，你就係後面師兄右面 (左邊係山崖)! 你真係快都唔緊要，我讓左你你就企喺我前面，咁你不如等到闊就一次過 sprint 過30人啦!

#34 香港仁

17號半夜第五段中後畢架山前塞緊車，有隊同胞隊黑媽媽係條隊側邊粒聲唔出唔該都冇句係咁攝位。其中有兩個同胞大叔真係用膊頭開路，本身我唔大件就咁比佢過左，但我前面有位男士都大大份，明明條路都唔夠兩個人行，汁邊仲要係山邊，果兩位大叔真係走內檔撞開前面位男士硬攝，見到佢真係失平衡好彩冇事。

到左CP有燈睇原來呢隊係上面同胞，老老實實唔好話岐唔歧視，你班友都唔尊重人，點解要其他人包容你。

利申: 其他山賽都見過有啲同胞幾 nice，不過今次呢類老鼠屎同胞各山賽都愈黎愈多

#25 Angry bird

戴定頭盔先，我和隊友是慢腳， 目標只想快過上年完成，攪乜今年咁多郊遊大叔同大媽呢？想感受一下香港毅行氣氛，無所謂，但都唔好行行下就企係度攞野，食野，傾計吖大佬，行兩步就停一停，我以為自己去左維園行年宵呀，希望大會可正視一下啦….廢up完…88

#12 迷途小狐狸

今次毅行真係好好彩: 是咁的，毅行之前個禮拜食錯嘢搞到急性腸胃炎，連續四日屙到七彩屙到返唔到工。大大話話都瘦咗成幾磅，就連醫生都睇咗兩個，其中一個仲話「非常唔建議」參加。

臨急臨忙轆爆晒人情卡都搵唔到人頂，精神又冇起色，徬徨無助（下刪一千字），唯有局住上線，諗住食到CP2一定剪帶，上牛耳石更加係 mission impossible，更遑論雙坳…

我‧竟‧然‧full‧team‧完‧到‧賽! 仲有幸陪女友完成佢嘅初毅行! 真係謝天謝地感謝隊友sss感謝醫生感謝啲藥同感謝 support teams 沿途支持。

#27 太好人

致我的毅行隊友，經過上年缺少練習，幾經辛苦先完成，還沒有吸收教訓!

今年仲衰連一次一齊操山都無，話自己各有各操，雖然我吔玩過幾次毅行都可以 full team 完成，但唔代表我吔唔使一齊操練。要知名道毅行不只是比賽當日齊人就算，應該從確定名額後一齊操練一齊籌備才算!
今次終於好啦，第四段有隊友身體不適要退出，我好希望大家可以吸收這次教訓!

#19 湊hike

為左湊夠4條友，個fd臨時搵左個中坑入黎，佢冇經驗，但係fd話佢好fit，佢就甘係個gp 到又話24個鐘可以完成,又話cp唔可以停多過5分鐘,我計劃想食個早餐換件衫20分鐘都嫌多。

到行個日咪又一九樣，行得又唔快，又抽又痛咁，到CP食飯9個字添呀，最後咪 多左成6個鐘 =_=

#21 無名氏

隊友都係見過一兩次，完全唔熟。不過過左咁多個鐘就見到真章。之前大家各自各買嘢已經係咁R隊友睇下有冇啲 gel 啊野食啊 poles啊可以免費俾佢… 都算。其中一個隊友support好人，幫埋佢，佢仲老馮咁要人地幫佢又差電又買野，一句唔該都冇。行行下借隊友對poles，要嘅時候就一定要，唔想用嘅時候就當垃圾係咁要塞番俾人。當大家去到cp休息佢又唔換衫唔去廁所，要大家準備出發先嚟話「呀…咁我去個廁所先！呀…我去換件衫先。」極品啊… 隊友真係要小心選擇。人地介紹都要諗清楚。

#15 凡人

有云玩一場毅行，就知那人是否您真朋友，話您知，唔駛玩，都知邊個係人邊個係鬼。話說凡人5月收到神人邀請: [有冇興趣做1x小時毅行，我哋現有3人，不如一齊抽籤]，凡人受寵若驚，1x小時更是夢寐以求既完成時間，當然應承，但礙於自知實力有限，都禮貌地叫神人可嘗試找其他人。直至抽籤日，一直有傾有講，結果陸續公布，凡人後補都冇，神人中籤，問及組隊事宜，眼見wts訊息已傳，神人更一直在線不回，這時頓覺神人開始有所迴避，良久終於回覆，辯說其餘隊友不太相熟凡人，暫不考慮凡人加入，吓，組隊抽籤時不是已知各人存在嗎!再過兩日，神人已火速組隊成功，原來第4人係神人既神級舊隊友(之前從沒提及)，明晒，原來自己係被利用抽籤既大後備。

正當以為故事結束，其實未完，9月尾神人跑6大前，又熱情地致電凡人，稱其中一位隊友疏於操練，又再邀請凡人入隊，吓，仲有兩個月毅行，凡人30K里數都冇，神人: [得架啦，您有山底，操吓長課就得，嗱，我跑完番黎，10月尾一齊再操長課吖，係您㗎啦，記住操長課呀!]。凡人雖然蠢都唔係傻，一直靜觀其變，果然又無消息，6大後從社交網站見神人已與其隊友繼續操練!!!DKLM，今次真火，操個50K長課閒閒地都用上一日，凡人有家有眷，如果聽人老點，連陪家人既時間都冇埋，咁L大個人，連一個簡單交待都冇。係，神人既跑山跑路速度係好快，但變臉既速度更令人乍舌，大佬，唔係有利用價值就兄弟，冇就契兄。

#24 無名氏

有人操練嗰時嫌人慢,未出發先解散,換個更快既人入隊。結果毅行既時候人地都嫌佢慢,分開哂咁行,玩到一半揾D藉口話退出。Full team唔到之餘,分開哂咁行開心極都有限, 仲要慢過當初嫌果個, 我真係恭喜你呀!

#26 毅行初哥A

小弟第一次玩，之前山都唔願行又怕辛苦，突然間聽到有士啤名額就突然舉手話玩，傻的嗎？練左8次山(斷斷續續有3次雙坳既) 咁就竟然夠膽死話定28小時目標～～最後時間雖然多左20%，除左可以好興奮話俾人我得左之外，如果唔想辜負其他人，努力練習問多少少高手意見，虛心受教。隊友話練如非必要一定出席，唔好俾人覺得你懶，買成箱Gear 倒不如行多幾課。

#23 無名氏

某年毅行，隊友C喺比賽前三個星期話毅行當日要公幹唔玩。道義上責任上你都要幫手搵人頂你個位啦。唔搵都算，講好咗話如果搵唔到人，要孭番條籌款數同相關報名費。通常活動日之後一個月要交數，呢個月我哋三催四請，佢老哥就推三推四話，佢一早講咗唔玩唔關佢事。人哋隊友D喺活動前一個星期知道有嘢做唔玩得都即刻放低$2000啦。(係呀，一隊4人俾兩個放飛機，比賽嗰陣一過起點線就已經得番兩件!)。幾經辛苦囈契弟咁囈先乞到佢捐$1000 ，麻煩隊長最後要包佢底。

#30 多左個敵人

第一次行毅行者順利完成，諗住再行第二次，遇著個咁嘅隊長，一齊練左三四次，我自己幾乎日日跑步練氣，雖然行得慢過你，但都唔使以為自己好勁啦，不斷問我行唔行得哂，最xx 嘅係出發前一星期通知我話目標30小時行完，佢已經搵到個做開gym嘅人代替我個位，仲叫我做support team，ok 唔 ok 喎，嗰下真係想問候佢，好彩上天係公平嘅，佢全隊喺CP 7 retire, 故事未完，隊長同朋友講，話嗰日落大雨，對鞋好重，啲衫濕哂，新隊友觸傷舊患，所以先要退出喎

#41 毅行者

齊整衝終點後 是隔幾日先發現整隊各人目標不同 甚至有怨言
隊友與隊友間冇溝通 其實好難會明白隊友諗咩

再次感謝各位有份留言嘅朋友，同睇留言嘅花生友，出年見!

Fitz連結: https://fitz.hk/?p=108265