[郁民教室] 行山杖 帶唔帶都要知點用

帶唔帶行山杖上山，一直都係山友一大課題。支持帶杖嘅朋友話，行山杖用途廣泛，剷林、驅蚊、掃蜘蛛網、趕狗、自衛……多到數唔晒！正所謂家家有求，帶好，唔帶好，其實都係個人行山習慣啫。

不過，無論你帶唔帶佢上山，都應該學識點用，萬一受傷要用行山杖借力，都知道點做嘛。

行山杖嘅關節種類繁多，第一步應該要學：點樣整鬆佢哋。

1. 將行山杖所以關節鬆開，拉至最大長度（但千祈唔好拉晒出嚟，唔好過每一節嘅限制）
2. 在平地上站立
3. 上臂垂低，前臂與上臂成90度（直角）
4. 前臂拎住行山杖，將行山杖垂低，縮至合適長度
5. 鎖死關節位就OK。（注意：唔好扭太實。行山遇到水氣，要解鎖隨時玩你半粒鐘！）
6. 另一支嘅長度，要同第一支嘅一樣
7. 調較腕帶（見圖）：腕帶喺行山用嚟借力，用得好真係慳唔少力
   

上斜時，點用行山杖？

1. 身體保持挺直
2. 不必調較行山杖長度
3. 杖尖不要超過身體，頂住地面向後推
4. 較斜嘅路面，可將杖頭稍稍向前伸（身體亦微微向前），杖身用力向下，以行山杖令身體爬升

落斜時，點用行山杖？

1. 行山杖呢個時候用嚟減輕落斜嘅衝擊
2. 行山杖杖尖放在身體前面，用以支撐身體重量
3. 必要時，可調長杖嘅長度
4. 身體此時應稍微向前。注意，若果屬新手，呢個方法有啲危險
5. 若路面太斜，經驗不足，可放棄用行山杖，以保安全

由其他書籍借來的使用圖，謹供參考。

標準嘅上斜方法

網上行山杖教學短片，大家可以參考下：

更多：
Fitz.hk Facebook專頁
[行夜山之選] 頭燈定係電筒好?
行山用水袋定水樽?
山雞@Fitz.hk
Fitz Hiking 行山