對於跑步聽歌呢個問題,有好多唔同講法。有人話聽歌令專注力分散,影響表現; 但另一方面又話音樂有助放鬆情緒,甚至忘卻跑步時身體嘅疲累不適。

或者每個人都有唔同喜好,不過根據英國布魯內爾大學嘅研究,聽住歌跑步,會令人越跑越快。

佢哋跑手分為5組,頭四組聽不同節奏的音樂,由 Coldplay 的《Viva La Vida》到古典音樂巴赫都有,到第五組就唔聽任何音樂,齋跑。然後叫進行5公里嘅跑步,結果係無聽任何音樂嘅跑手,平均成績有27:33; 而有聽歌嘅測試員,成績係26:06。有聽歌比無聽歌,5公里跑快咗分幾鐘,平均每公里快咗20秒!


值得注意嘅係,歌曲的節奏同成績並無太大關係。聽巴赫與聽 Coldplay 嘅跑手,平均成績相差不足5秒。

研究人員認為歌曲對跑手嘅幫助有二:

  • 歌曲可分散注意力,忘卻身體不適
  • 歌曲提升跑手嘅自信同決心

研究人員補充,聽歌只會對跑步初期有決定性影響。因為當身體開始適應跑步嘅節奏,專注力會轉移到跑步嘅動作上,所以在長距離跑步時聽歌,對表現不會有明顯改善。

不過,日常練習大家仍然記得注意安全,戴住 earphone 跑步都要留意四周環境,唔好用啲抗噪好強嘅耳機!

>> [渣馬規例疑惑] 比賽時可以戴耳機嗎?

Fitz連結: https://fitz.hk/?p=112175

更多:
Fitz Facebook專頁
[渣馬備戰攻略] 全馬 半馬 十公里 路線簡介
[渣馬備戰攻略] 比賽一個月前的4項準備
[跑步猝死] HCM防不勝防 比賽出事避無可避?
[渣馬備戰攻略] 買對新鞋落場好唔好?
[渣馬備戰攻略] 7個雨天跑步要訣
[渣馬備戰攻略] 可以用跑步機練馬拉松嗎? (或其他長跑距離)
Fitz Running 跑步

廣告

Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。