%e8%b7%91%e9%81%93%e4%b8%8a%e7%9a%84%e6%99%ba%e8%80%85-%e9%87%91sir%e7%9a%84%e8%b7%91%e6%ad%a5%e8%88%87%e4%ba%ba%e7%94%9f-7
從金SIR嘅笑容,令大家知道咩係快樂跑步。

前言
武俠小說裏面,武功嘅最高境界,就係「無招勝有招」。層次更高嘅,就係連勝負都唔計較,達到中國哲學嘅「絕聖棄智」,只係追求內心嘅滿足。金SIR話:「跑步並唔係生命中唯一選擇。」

呢句說話出自一位跑步教練之口,絕對有獨孤求敗嘅氣慨。佢睇到嘅,絕非只是跑道上嘅里數,而係人生中漫長嘅路途。

而金SIR有如此想法,就要由佢最初跑步嘅日子講起。

渣馬起步,金SIR (中間紅衫)可以同海外選手一齊。 (圖: 蘋果日報)
渣打馬拉松,當年金SIR (中間紅衫)可以同海外選手一齊起步。 (圖: 蘋果日報)

由凡人跑手到33分半
講緊係廿幾年前,當時金SIR仲未係金SIR,係叫金永強,一個平凡嘅整餅師傅仔。

「嗰陣我其實一路都無乜點運動,直到1995年,我因為計劃兩年後要結婚,就要操Fit下自己。咁我上司就叫我同佢一齊去跑下步啦。」

「當時我真係對跑步一無所知,連邊度有訓練班都唔知。後來加入咗跑會之後,得到唔少前輩嘅指導,到2000年,我10公里嘅成績已經到去40分鐘左右,我真係覺得自己幾有天份架!後來越練越快,2002年最佳成績去到33分半!」

「點解會進步得咁快?嗰陣跑步好期待可以話畀人知自己有能力,所以好有鬥心。而且,因為得到跑會前輩嘅指導,佢哋教我『跑步要靠基本功』嘅道理,所以我好努力咁做好跑姿,令成績得以提升。」

10公里賽,33分半衝線!
10公里賽,33分半衝線!
2003年金峰SIR再闖高峰SIR,渣馬奪得獎項。
2003年金SIR再闖高峰,渣馬奪得獎項。

遇上了挫折
「2003年,我面對工作同跑步嘅抉擇。」

「當時喺工作上,我承受唔到咁大壓力,患上焦慮症,更需要接受治療。嗰陣我完全唔可以handle自己嘅工作,亦停止咗去跑步。」

「最初仲以為可以透過跑步去穩定自己情緒,但發覺唔可以。情況仲越嚟越差,嚴重到控制唔到身體,更有自殺嘅念頭。」

有人以為,情緒問題其實只係自己「諗唔通」,只要有人開解下,做下運動就會無事,但事實上情緒病絕對需要治療,唔可以忽視。當時,情緒問題完全打垮了金SIR,佢停止咗正常生活,亦停止了跑步。

%e8%b7%91%e9%81%93%e4%b8%8a%e7%9a%84%e6%99%ba%e8%80%85-%e9%87%91sir%e7%9a%84%e8%b7%91%e6%ad%a5%e4%ba%ba%e7%94%9f
得到了信仰,金SIR說這張相片意義重大

「好彩當時經人提點,亦得到教會嘅幫助,個人醒返!但仍然唔可以工作,有少少壓力都適應唔到。」

「藉住信仰嘅幫助,我開始喺教會同其他教友一齊玩音樂,彈下結他,唱下歌咁,亦開始返跑步,以及做返整餅嘅工作。」

同金SIR一齊笑住口衝線,係重金屬同學會助教Kitty。
同金SIR一齊笑住口衝線,係重金屬同學會助教Kitty。

幫助別人更幫助了自己
「2007年,我認識咗Kitty。Kitty佢一路都同一班視障朋友做運動。而經一位牧師提點,覺得我都可以用我嘅專長去幫助有需要嘅人。就係咁,我得到Kitty嘅介紹,認識更多視障人士,亦幫助更多有需要嘅朋友。而我嘅情緒亦慢慢變好。因為我發現,原來自己有能力可以令其他人快樂。亦發現自己嘅情緒雖然唔穩定,但比起有啲人身體有毛病,其實我都叫做幸運。」

「於是我一路咁做義工,一路得到更多滿足感。亦因為咁,我跑步都跑多咗。」

%e8%b7%91%e9%81%93%e4%b8%8a%e7%9a%84%e6%99%ba%e8%80%85-%e9%87%91sir%e7%9a%84%e8%b7%91%e6%ad%a5%e8%88%87%e4%ba%ba%e7%94%9f-4

是同學會不是訓練班
金SIR叫得做金SIR,係因為佢係「重金屬同學會」嘅創辦人同埋教練。睇組織名稱,一般人完全唔會諗到係一個長跑訓練班。事實上,金SIR成立「同學會」嘅原因,確實係好單純!

「最初我組織訓練班,都係想約埋一啲志同道合嘅朋友一齊做運動。由最初得6個人,到而家有固定會員。」

「我本身有份工,唔需要商業營運,所以我哋可以好專注咁留心每個學員,大家嘅感情好深。」

「我哋叫做『重金屬同學會』,『重金屬』係因為我玩音樂。『同學會』嘅意思,係希望大家好似一家人咁。我好想身邊最近嘅人明白咩係生命中最重要。」

金SIR到學校服務
金SIR到學校服務

生命中之重
「跑步嘅人好多時都有唔開心,間中會有失落感。好似話時間唔好,有受傷咁,就容易有情緒問題。但如果明白生命嘅意義,你就唔會咁介懷呢啲小問題。」

「我唔強調跑步嘅成績,因為跑步唔係生命中唯一選擇。我希望藉住大家一齊做運動,可以提升大家嘅生命質素,亦即係人人可以開開心心。」

「我哋同學會成立咗7年,原來呢個諗法真係有人buy!我發現喺訓練班入面,大家可以好投入,但同時又可以好relax,好放鬆咁享受運動嘅樂趣。呢個層次比起追求時間係咪高啲先?有時學員可以放鬆心情比賽,反而可以做出好成績。」

「學員返到嚟訓練班,大家會親切問候,相信大家都會感受到呢一份關心。」

「生活要有智慧,考驗其實喺賽事以外。所以最重要嘅係,點樣用跑步去融入生活。所以,我哋喺跑步訓練之外,仲有好多機會畀學員去體驗生活。譬如話我哋會搞啲義工分享會,亦鼓勵大家去做義工,希望大家可以從中提升生命質素。」

最近金SIR仍有為視障人士擔任領跑員。
最近金SIR仍有為視障人士擔任領跑員。

後語
同金SIR做訪問,我原本希望可以偷下師,學下咩係跨步,點樣可以跑快半分pacing。最後,我明白咗一件更加重要嘅事。

我諗起我細路時代,點樣通山跑,又諗起我點樣同阿囡喺公園玩捉依因。嗰時我從來唔會計較自己跑得快唔快,剩係記得我有幾開心。

跑步最單純嘅意義,就係開心。乜唔係咩?

重金屬同學會Facebook專頁

更多:
Fitz.hk Facebook專頁
[年少多好] 跑步環台1000公里 HeHe畢業之旅
[專訪馬高教練] 同你講心的魔鬼
一個「廢青」跑出全世界的故事
Fitz Running 跑步

首頁 > 運動 Sports > 跑步 Running > [跑道上的智者] 金SIR的跑步人生