[逆走100 Rebel Walker] 40歲前必須完成的事情 — 100km山賽

能夠奇蹟完成⼈⽣⾸個100k⼭賽，先要衷⼼感激老婆⼤⼈睇住頭家，舅⽗幫忙照顧家⼈，公公婆婆湊住孫仔孫女，仲要多謝⼀眾HNR跑友、supporter ⽀持。

幾⼗歲⼈先學⼈玩⼭賽，在訓練不⾜情況下能⽬標完賽已經好滿意。⼭賽辛苦情度直達10級，其後兩⽇都感到⼨步難⾏，已經難以想像有下次。如果再有下次，好希望家⼈可以到終點等我衝線，同買返個⼭跑背囊。

早前⾒過HNR師兄 William 條逆走100完走全記錄，⼼諗呢個比賽我都應該玩到，⼜加上有早⿃優惠，精品⼜靚，就粗粗膽唔蝕底報咗名。比賽前⾃⼰無時間練⼭，只係跟過 HNR TGIF 練全⾺，比賽跑過吓揸⾺、揹⽔⼀戰15K就當準備咗。事前完全對麥徑零概念，只知麥理浩係前港督。作為⼭賽⼩學雞，賽前定好⽬標 sub-24，⼀⼼諗住有⼈跟⼈，有路⾏路就攪得掂。

比賽當⽇我孭住全場最⼤嘅35L背囊，整裝待發第三槍起步，有幸同麥徑字典 Hugo 同⾏，沿途有佢分享賽道分析、⽤棍指導、入 CP 準備，好輕鬆就到蓮姐 CP，去過廁所、食兩舊飯、咬住件冰菠蘿，就向⼤帽⼭⽩波進發。上斜、上斜、⼜上斜，開始覺得吃⼒，靠我兩條腿+兩枝棍，⼿腳並⽤先勉強跟得上  Hugo 到⼭頂。

攝: Nelson Wong@run-pic

攝: 馬木幾

攝: 運動筆記

⼈⽣⾸次⾏帽草針，先同 Alex ⼀起走過鉛礦坳，落⼭就係⼀段亂⽯路，其實都唔多覺係有路，⾃⼰⼜有啲淆底，顯得⼨步難⾏，眼⾒ Hugo 好似⼭⽺咁彈彈吓好快就唔⾒左。都知道係時候要獨立⼀下。

轉上草⼭針⼭，有無窮無盡嘅⽯級，好⼤級、愈⾏就愈氣餒，好辛苦先上到針⼭頂。落⼭時⼼已經開始諗有咩藉⼝比⾃⼰剪帶，意志薄弱、神情呆滯咁⾏到去城⾨ CP，突然有熟悉⾯孔同我講:『阿輝，我係 HNR嘅William』，師兄就好熱⼼幫⼿加⽔，仲醒咗⽀能量⽔我，感覺好窩⼼，暫時放下剪帶念頭，頂多個 CP再算。

別了 William 師兄，向下⼀⽬標獅⼦亭進發，望⼀下錶，跑咗6個半鐘先⾏得36公⾥，為咗重燃⾾志，就催眠⾃⼰全⾺都跑到，點都要頂多個CP。花了3⼩時，越過畢架⼭、上⽩波、落⾦⼭、避猴⼦、過埋九⿓⽔塘，晚上6時終於到達晚餐⽀援點獅⼦亭，靚Pi走出嚟迎接我，在處於半虛脫情況下，送上準備好的飯團、可樂，實在令⼈感動、⿎舞。為了嘗試匯合前⽅⼩隊，吃過半飽、換上夜⾏裝，就再踏餘下旅途，臨走前靚Pi叮囑我唔好放棄，眼⾒路程已完成了⼀半，當時就決意⼀定要完賽、先不理會完賽時間。

攝: meimei chan

攝: AT photos

離開獅⼦亭向下⼀個⽬標⽔浪進發，好快就到達基維爾 CP，⾸次在 CP 坐下享受美食，但為免耽誤⽔浪⽀援點收⼯時間，⼩休⼀會後再重新上路。在⾺鞍⼭⼀段已經入⿊，第⼀次⾏夜⼭就要⾃⼰⼀個，都咪話唔驚，但⼭路崎嶇、風⼤、路窄，只能夠專⼼走每⼀步，不能讓⾃⼰受傷。在路上我明⽩了其實⿊夜並不可怕，頭燈無電先最擔⼼，愈⾏愈感覺燈光漸暗，更要加快沉重步伐離開森林。

經過3個半⼩時，晚上10時40分，聽到引擎聲，就知道快到⽔浪⽀援點，匯合恭候多時的 Yvonne、Karen、Pi、Eric，為我送上熱情款待 ，非看似簡單的通粉、⾖腐花、加⽔、換電池、執拾⾏裝，每⼀個簡單動作對我都係⿎勵、⽀持，⾾志⼜返嚟喇。

接受完溫暖 supporting 後，就要⾯對三上三落雞公⼭，雖然係⾾志滿滿，但⼈總是會疲累的，要迫使向前，最好就係搵個⼈嚟跟。始終上落幅度⼤和鹽分流失，已有點抽蹟象，幸好並無受傷。花了3⼩時多就到北潭坳 CP，⼩休⼀會、吃過熱粥、噴過噴霧，已經是凌晨2時，⾒到對⾯有參賽者席地⽽睡，雖然賽事進⾏了17⼩時，可能腎上腺素飆升，慶幸仍未感到眼訓，趁狀況尚好就不宜久留了。

往⻄灣村初段是⽔泥路，好讓我調整步伐，途中更巧遇舊同學，從⽽得知依當時步速仍有機會sub-24完成，此消息令我疲憊不堪的精神＆軀殼換醒，再次要捕捉sub-24的⽬標。

凌晨4時，經過3⼩時才到達我最喜歡的 CP9，接受過優質的⼈⼿按摩、打過按摩槍後，開始回歸sub-24之旅。下⼀段路程只有6.4公⾥，⾒路程咁短，就估到條路唔易走，幸好沿途 CP 都食得下食物，但⾝體總是疲累，加上膕繩筋作抽筋，沿途風景再美都沒⼼情欣賞該最後的⼀段⼭路⾜⾜⾏了2⼩時。

比賽了21.5⼩時，經過吹筒坳⽯板路，直奔東壩 CP，只餘下9.7公⾥，知道sub-24⽬標在望，雖然每⼀步都感到痛楚，但⼼情興奮，奮⼒105分鐘，⾒到守候多時的跑友於終點迎接，我⽤謹餘氣⼒走過終點，正式完成⾸次100km⼭賽，好攰好攰、真的累了。

輝哥@HNR 跑步團隊

Fitz連結: https://fitz.hk/?p=116138