近年興起街跑，可以令跑步呢種活動，不再局限於地點，在城市每個地方進行，更可令大家認識自己住嘅地方。跑步本身是一種自由自在，無拘無朿的活動。今日我就講講街跑要注意嘅地方。
我每一次同學員出外作跑街訓練，都會喺起步前叫大家留意交通，而且呢個係首要條件。因為若我哋習慣成自然，大家平日都注意安會嘅話，就可以減少意外嘅發生。
30公里，大坑回頭，2“37走完，消耗了2300卡路里，柴灣長命斜作終結
條路熟唔熟，對於我哋嘅跑步安全都係好重要。尤其係經過停車場出入口、燈位、過馬路地方，我哋都要加倍小心，因為交通往往係造成意外嘅最主要成因。所以我哋千祈唔好諗住同車鬥快，一下衝出馬路。
----- 廣告 Ad -----
當我哋跑街嘅時候，有幾種路面我哋會接觸到：
- 馬路嘅柏油路
- 行人路嘅石屎路
- 海濱公園嘅磚地，或石板地
當中以磚地或石板地的吸震力最弱，如果我哋喺呢啲地方跑得多，對我哋嘅傷害都要最大。所以我會建議大家，喺跑街嘅時候，要著番對保護性強嘅跑鞋，以減少對腳嘅傷害。
喺我哋選擇跑街路線嘅時候，我哋要留意路線究竟有無地方係無行人路，還是一定要跑馬路呢？對於司機嚟講，如果有人喺馬路邊跑步，其實對雙方都好危險，所以要盡量避免跑出馬路。若果無得揀，你能夠跑步嘅路線一定要跑出馬路，咁可以考慮喺無咁多車嘅時段出外跑步，避開車輛嘞。
跑步想「開心」，同時要「留心」同「小心」，帶齊呢三個「心」，街跑就一定無問題！
祝大家有個愉快周末！
更多：
[金Sir教室] 夏天運動 保持清潔
[金Sir教室] 練跑後的肌肉鍛練(有片)
[金Sir教室] 常被忽略的保護: 太陽眼鏡
Fitz Running 跑步
金永強@重金屬
參加長跑活動十多年，是本地長跑活動中堅份子，個人最佳成績: 10公里/33分半、半馬/1小時16分、全馬/2小時50分，曾入選香港精英運動員訓練隊。金教練熱心推廣跑步運動，也是一位搖滾音樂愛好者，希望藉著「重金屬同學會」開辦訓練班，教授學員提昇跑步能力、改善個人身體素質以及避免受傷。