在無間超長課過程中，令我醒悟到以往自己不斷追求時間，速度，往往就係令到自己陷入死胡同及谷底之中。以前我都試過盲目追求速度，經常性去執著自己嘅時間，今次比上次慢左，就擔心自己愈跑愈差，令自己沮喪。萬一對腳有咩異樣，心中就會感到不安。Touch Wood講句一傷左，練習又焗住停，心情會極度低落，還會影響日常生活。
我決心掉走晒以往7年既跑步功力，一刀劈落去， 來個<砍掉重練>，由5K再開始慢跑再鍛鍊。要咁做真係需要極大勇氣同意志力，任何人都不想捨棄過往嘅努力而死抓不放。<砍掉重練> 令我慢慢學習如何放下。以下這個小鳥故事，我很喜歡及很有啟發性，係我從一個身心靈節目中聽到的，很值得分享比大家:
從前有一個充滿智慧嘅老人家，佢住係山上邊，而且無所不知。
住在山下邊有個小孩子，佢日想夜想，想呀想: 『呢個世界有冇可能有一個人係無所不知呢。唔得，我一定要出難題比呢個人，打到呢個人。』
----- 廣告 Ad -----
終於有一日，就比佢諗到。佢好興奮就衝左上山搵個老人。
小孩 :『智慧老人，你估下我手上拎住嘅係乜野呢 ?』
老人 :『哦，你手上拎住嘅係一隻雀仔囉。』
小孩:『你呢家估下呢隻雀仔係生，定係死呢 ? 』
老人:『如果我呢家話比你聽呢隻雀仔係生嘅話，你一定會一手鍊死佢。如果我話係死嘅呢，你會即刻放手將佢放開。等我話比你聽，你手中捉緊果隻雀仔就係你。你俾我嘅難題，其實係你嘅難題定係我既難題呢? 將你隻手放開，比隻雀仔飛走啦。我地既慈悲，最原始既一點係俾自己慈悲。當你識得真正放手既時候，唔係比隻雀仔一線生機，而係為左你自己慈悲。放過別人等於放過自己，你都會飛得更加高、更加遠。』
每次回想呢個故事都覺得好感動，學習如何放下，係人生要不斷學習嘅課題。
現在對我而言，與其說人生如馬拉松，我說人生如慢跑會更貼切。慢跑，沒有距離、方向設限，你可以漫無目的，想去哪裡就哪裡，重點在於慢慢享受跑步帶來嘅愉悅。而人生也不應為自己設限，慢慢享受每一刻，想清楚自己應向那一個方向走，縱使是兜了個大圈才到達自己夢想之地，過程入邊也必有得著。走得太快太急，會失去應有的冷靜而蒙蔽左自己或迷失。在任何事情上會很容易遇到挫折、沮喪、內心不斷會積存負能量和負面情緒，令自己缺乏自信。不及時去清理、淨化身心，會令自己有壓抑甚至得出病來。跑步時，跑得過快，不斷積存乳酸，不及時清理及慢下來，最後只會被迫你停下，想再行前一步都極為困難。
----- 廣告 Ad -----
所以呢個廣告真係百看不厭:
慢，不代表自己弱，而是活在當下，享受每一刻。香港生活迫人，不論坐車食飯行路都要快、快、快，很少感受什麼叫慢活。所以跑步反而係令自己可以有慢落黎嘅時間。慢有慢的風景，還可以看清楚、看遠一點。而且跑步令人充滿正能量，思想更加正面。
人生(跑步)，係不斷清除負面情緒 (身體清除乳酸既速度)嘅過程，每一次清理，都令你心靈比之前強大。只有咁樣你嘅人生(跑步)，先可以不停及健康咁走落去。有強大身心靈，處理任何困難時才能輕鬆面對。紅塵如道場，人生不斷會有課題需要去超越，而我亦不斷學習中。
以下呢張相我一世都記住，真係痛到想大叫咁滯，而且兩個鮮紅色嘅位置仲份外養眼，外人唔知以為我比人射中左兩槍，現已被跑友一見到我就會諗到<血滴子>。我send比我嘅摰友時，佢話原來呢張相已經喺佢WhatsApp group傳得好快，連佢嘅同學都恥笑緊我(淚) 。。。但我亦都好多謝佢無間斷嘅支持鼓勵我跑超長課，我好感恩有佢嘅支持。
而我經過今次都學到特別一個道理，真係要對我未來嘅老婆極好及呵護備至。因為男人永遠唔明白，女人陀BB對腳抽筋有幾囉命。。。
希望各位師兄，好好咁對你地嘅老婆或女朋友呀!!
想感受下咩叫終極老抽嘅話，換衫著跑鞋落樓，出盡力跑個42K,你就會懂了。
雖然我有過咁慘痛嘅經歷，但我反而在身心靈方面得到了更多。所以會一直跑落去，直到我不能再跑，因為咁樣先感受到活著。
而我亦都繼續我嘅 – NOTHING BUT RUN!!
更多：
Fitz.hk Facebook專頁
[鋼鐵之意志] 渣馬令我決心有「砍掉重練」的勇氣—激鬥前篇
[鋼鐵之意志] 渣馬令我決心有「砍掉重練」的勇氣—斷筋中篇
沙灘@Fitz.hk
Fitz Running 跑步
