Fitz > 運動 Sports > 跑步 Running > [向UTMB進發] 由意大利跑到法國 101km的CCC

 

奧運完美閉幕,曲終人散;內裡存著多少奮鬥及動人故事,帶來嘅那份感覺及感動仍然熱熾; 然而很快又要收拾心情,啟程向著法國嘅 Chamonix 進發,參與 UTMB 系列下其中的一個賽事CCC(Courmayeur – Champex – Chamonix)。 

[向UTMB出發] 由意大利跑到法國 101km的CCC_01
終點 Chamonix是個相當美麗嘅小鎮

UTMB(Ultra-Trail du Mont-Blanc)可說係越野界其中一個必去嘅朝聖之旅,賽事分有幾個賽距,包括 PTL (290km)UTMB (168km)TDS (119km)CCC (101km) 以及 OCC (50km);  賽事横跨三個國家,包括意大利、瑞士及法國,並圍著著名嘅白朗峰奔走。自問自己跑越野嘅能力仍屬初階,實在未敢挑戰 168km UTMB;今次同朋友先參加一個素來應付倒嘅距離 CCC,希望增進體驗後為自己將來進攻 UTMB 之路作好準備。

CCC 起點在意大利嘅 Courmayeur,但我地選擇在賽事終點市鎮 Chamonix 留宿,以便完賽後較易安頓及休息。到埗嘅當兒天氣相當晴朗,萬里無雲,氣温比想像中炎熱,日間時間更高達30 ,對於越野比賽來說確是有點高温。Chamonix 原為一個寧靜嘅小鎮,因此賽事關係集結了幾千名越野跑手,加上家屬、朋友等等嘅打氣團,整個小鎮頓時變得人來人往水洩不通,到處熱鬧非常。到埗後我地先到賽事中心拿取號碼布,大會同時進行 gear check,隨機抽樣地檢查不同嘅 mandatory equipment。附近亦擺設了 expo 售賣不同嘅跑山用品,款式眾多樣樣齊備; 如果忘記帶什麼也好,甚至空手而來,亦可以即場購買仍能令選手全副武裝上陣。旁側亦有不少攤檔介紹不同嘅 ultra trail 比賽。只是如果真的要跑畢這裡所有嘅 ultra trail,真的不辭職也不行。

[向UTMB出發] 由意大利跑到法國 101km的CCC_02
到處都睇到比賽嘅横額、banner
[向UTMB出發] 由意大利跑到法國 101km的CCC_03
排隊攞號碼布, 並進行了 gear check
賽事日期由當地 82228日,我們到埗一刻已有部份賽事開了賽,所以不時見倒選手陸陸續續返來,並在鬧市中穿插衝回終點。途人就不停以熱烈掌聲鼓勵參賽者,甚至有不少家屬在終點前等待參賽者出現後攜手一起衝線,場面真的十分感動感人。

[向UTMB出發] 由意大利跑到法國 101km的CCC_04
Expo賣嘅越野物品多到目不暇給
[向UTMB出發] 由意大利跑到法國 101km的CCC_05
選手響鎮內穿插, 不少選手同等候嘅家人一起衝線
[向UTMB出發] 由意大利跑到法國 101km的CCC_06
起步點 Courmayeur可謂人山人海
比賽當日,我們清晨乘坐大會嘅 shuttle bus 到 Courmayeur,沒多久一千多個參加者很快就塞滿了起步區。由於人數眾多,起步要分三個 wave 出發; 起步前大會更奏起三個國家嘅國歌,可見賽事嘅隆重性去到那裡。比賽一開始,我地先跑入 Courmayeur 在市鎮裡穿插一番,不少當地居民都有在場拍手、響牛鈴等增加熱鬧氣氛。沒多久我地就開始上山,並且一口氣要上 1200 到達 2500多米高嘅 Tete de le tronche。早上尚算清涼,加上頭段有氣有力,所以還未算很辛苦。而且沿途可看到連綿不絕嘅雪山群,真的令人心曠神怡、忘記煩惱。過了第一座山後大致上都係平路或落斜嘅路段,我就爭取時間慢 jog 了好一會,未幾就到了 cp3瑞士的 Arnouaz。 呢度係一個大站,食物選擇較多,亦有醫療、救護等設途協助選手。

[向UTMB出發] 由意大利跑到法國 101km的CCC_07
開始上山了
[向UTMB出發] 由意大利跑到法國 101km的CCC_08
好美嘅景緻
[向UTMB出發] 由意大利跑到法國 101km的CCC_09
靚到一定要停一停影下相
[向UTMB出發] 由意大利跑到法國 101km的CCC_11
辛辛苦苦上到第二個山, 個景雖然好靚, 但個人心情就有 d沮喪, 幾乎想 “剪帶” 離場
離開 cp3 後就開始上第二座大山 Grand col Ferret ;  上這座山,就真的可以用 「痛苦來形容,3km 路上 700多米,斜度至少有 30 度,全程是不停 Zig Zag 地行上去。當時正值下午時段,陽光猛烈,雖然不時有涼風吹過,然而仍然出了好多汗失了好多鹽,整個人都無氣無力舉步為艱。好不容易先捱到上頂,然而發現自己用了小時 40 分先到這個山頭,頓時有點信心崩潰,好擔心自己未能響 cut off 前到達 cp; 當時心中不禁泛起了退賽嘅念頭,幸好之後有 10km 落斜嘅路追回不少時間。落山後到了另一大站 cp4  La Fouly,我足足休息了二十分鐘,好讓自己稍為冷靜下來,整頓好心情後自己才重新起步向著下一個 cp 出發。

[向UTMB出發] 由意大利跑到法國 101km的CCC_10
沿途都有清楚標記一定唔會走失
[向UTMB出發] 由意大利跑到法國 101km的CCC_12
天氣好熱, 選手不時要淋水降溫
[向UTMB出發] 由意大利跑到法國 101km的CCC_13
黃昏景緻優美, 不時仲見到唔同嘅野花綻開
[向UTMB出發] 由意大利跑到法國 101km的CCC_14
嚟到42km 嘅 La Fouly, 真係要好好抖一抖

Cp 4 後已經是黄昏時間,天色開始轉暗,呢段我地跑入不同嘅小鎮,依然都有不少居民在沿途打氣。佢地更自發為跑手準備不同飲料作補及,連年紀輕輕嘅小朋友們都參與幫忙; 為了向佢地表示謝意,每一個小站我都停下來喝他們預備了嘅飲料,亦不時回應小朋友嘅 “give me five”。當地人對待比賽嘅態度真的很不同,完全是鼎力支持無分彼此。不知我們何時可以有此運動及比賽文化?

[向UTMB出發] 由意大利跑到法國 101km的CCC_15
跑入小鎮, 不時見倒當地嘅居民、小朋友為參加者打氣
[向UTMB出發] 由意大利跑到法國 101km的CCC_16
「打大佬」前嘅 Cp食物相當豐富, 補給夠先再起步
[向UTMB出發] 由意大利跑到法國 101km的CCC_17
補給站都塞滿作息嘅選手
[向UTMB出發] 由意大利跑到法國 101km的CCC_18
行到最後一個山睇倒日出, 心情頓時好返好多

不經不覺來到 56km cp 5 Champex Lac ;  到這裡不得不再休息多一會,因為跟著要 「打大佬連續上三個大山,好比我們嘅針草帽一樣,然而比針草帽更高更斜。當時天色已全黑,上山時完全看不到究竟有多遠要走,只是無止境地不停 zig zag 上斜沒完沒了,真的有一份沮喪。盡管到了頂也好,跟著還要大落 600 多米;入夜後落山的話亦不好走,路面頗 technical,沙石多,路也較窄,確是要格外小心。加上是大斜落山,對四頭肌及膝頭有很大負荷; 然而我不時提醒自己: 逐個山,慢慢過; 每過一個山就等於近終點一步; 就這樣慢慢地過了兩個山頭; 到最後一個山,也是最辛苦嘅一個,好比由比經簡林上鳳凰山一樣,但要連續上四次。

[向UTMB出發] 由意大利跑到法國 101km的CCC_19
臨落山前見倒 Mont Blanc全相, 點都要影返幅相留念

然而上帝早已預備,在試最後一個山 Tete aux vents差不多到頂峰嘅時候正值日出; 看著旭日初升,晨曦陽光打照在 Mont Blanc 上,柔和而美麗,迅間又充滿著希望及朝氣,之前嘅疲勞又彷彿一掃而空。最後10km 是落山的路,雖然脚趾已經痛到不得了,但我不停提醒自己終點在望就繼續慢慢地 jog 下去。終於到了 Chamonix 的路口,原來朋友早已在那裡等候著自己。當時真的很感動,不知那裡來嘅能力咬緊牙關向著終點真奔過去。由進入 Chamonix 開始沿途都有不少人熱烈嘅拍掌、 吶喊激勵士氣; 朋友們陸陸續續加入來陪跑,那時心情真的前所未有地激動;最後我們浩浩蕩蕩地一起衝線,完成了 101km 嘅賽事,時間亦相當的滿意。

[向UTMB出發] 由意大利跑到法國 101km的CCC_20
臨到終點見倒兩旁觀眾同朋友不停為自己打氣, 心中感動
[向UTMB出發] 由意大利跑到法國 101km的CCC_21
到左終點, 成班朋友大合互相祝賀

今次是自己第一個海外嘅 100km 賽事,很難忘。縱然真的很辛苦(還有痛苦) ,但仍覺得很值得去體驗。現在更加明白自己嘅越野能力還很幼嫩,仍需要多些鍛鍊及操練。他日有所進步作好準備後,必然會更上一層樓,向著終極之旅 UTMB 進發。

[向UTMB出發] 由意大利跑到法國 101km的CCC_22
得來不易嘅 finisher tee, 真係唔知捨唔捨唔著

更多:
Fitz.hk Facebook專頁
[撒哈拉超馬] 第五、六日: 在極地上盡情狂奔
[撒哈拉超馬] 第四日: 82公里長征 (下)
[撒哈拉超馬] 第四日: 82公里長征 (上)
[撒哈拉超馬] 第三日: 無盡的沙漠
[撒哈拉超馬] 第二日: 沉重的背囊
[撒哈拉超馬] 第一日: 34公里的挑戰
張思縈@Fitz.hk
Fitz Hiking 行山


文章為作者意見,不代表Fitz立場。
歡迎投稿: https://fitz.hk/contribute/