因為出business cheap (港式發音，讀trip呀)，無見陳C9幾日，今朝係大堂口撞到她，她一見到我就話：「你係ICU返出來呀，今次電視真係話中國籍男子在香港馬拉松『半馬拉松』賽事中，突然暈倒及陷入昏迷，我諗一定係你,我都話落雨跑步會死人架啦，唔死都會淋病喇！」攪清楚先，淋病是透過性交感染，關跑步咩事? 我想答她都嘥氣，一於哥哥抱抱以表示多謝關心。她即時彈開，問我想點。
跟著她表現得憂心忡忡，拉我埋一邊話想問我私人嘢，她把iPhone給我睇，原來她的細女參加了十公里賽。(愛跑女生總係超索呀!)。她擔心她唔知群了什麼人，因為Facebook經常見到「院友」兩個字，以為是男或女童院，你知啦，啲細路會好壞。
我當時笑到企唔直，我話不是你諗那回事,她話仲衰,精神病院。首先我們不應歧視任何人。
於是我慢慢跟她解釋，其實「院友」只是黐線但不是有精神病。黐線並不等如有精神病，院友只是一班跑步愛好者，你可以形容我們是唔跑唔舒服，飯可以唔食，步唔可以唔跑的一班癲人，這算不算是精神病呢?
還有[走失院友]是指一班熱愛跑步的朋友相約一起練習。本來陳C9係給嚇到個心離一離嘅。解釋後，她無咁擔心。
----- 廣告 Ad -----
其實，還有很多跑步潮語，Carmen Li女人提供了一些，如果有遺漏，求FB全能神可以留言狂插。
我見過的有膠功課，冰火，爆偈，爆肺，拖或扯爆佢，衝圈，快腳，慢腳，步兵，上岸，年度運動員，老抽，拾四哥同拾三妹，PB或BQ鳥，個谷，交人，六分披，上線，撞牆，索K，仲有無貨，長課等等。希望有個對照表，好讓不跑步的朋友明白我們多一點，衷心感謝。
本文原載於Facebook群組長跑長友，已獲作者授權轉載
更多：
Fitz.hk Facebook專頁
渣馬—教曉我的二三事
Yiu Kwong Chan＠Fitz.hk
Fitz Running 跑步
