[最強出術] 徐州馬拉松選手踩車完走 終身禁賽

今年三月徐州馬拉松D2113孟姓女跑手，踩住部共享單車衝入賽路，工作人員勸阻無效，最後仲衝過終點線，比賽成績為5小時38分36秒。

事件證據確鑿，仲有圖有真相，當局好快咁徵罰呢位選手:

1. 當場取消比賽資格
2. 終身不得參加徐州馬拉松
3. 個案會上報中國田徑協會，或有進一步懲處

國內馬拉松選手犯規，已經唔係新聞，不過呢單嘢確實太誇張，已經觸動咗群眾底線。《騰訊體育》發表評論文章，呼籲民眾要培育「中國馬拉松文化」。內文話:

「在這個漫長的過程中 (中國馬拉松發展)，一定會有各種 “妖魔鬼怪” 現身去試圖挑戰規則、破壞規則，全然不顧條條框框的明文規定。所以導致怪現象屢禁不止：有人套牌、有人抄近道，有人替跑，還有前一段時間沸沸揚揚的波士頓馬拉松獲取資格成績證書造假。…… 」

文章仍然老調子，都係指摘「少數」害群之馬，公然破壞秩序，目無法紀，製造混亂…… (咦，點解咁似政府官員鬧港獨份子嘅?)

一有問題就話有「害群之馬」，其實點解唔檢討下社會出咩問題，因咩事會有呢啲害群之馬出現呢?

新聞來源: 騰訊體育

Fitz連結: https://fitz.hk/?p=116493