踏入六月份，天氣異常反覆，一係啲雨落到唔清唔楚，好天咩？又會曬到你死熱到你暈，令到出街跑步意慾急插。
各位跑友應該都知道，平時一星期跑開三、四日，而家要大家成個禮拜唔郁，又真係幾辛苦嘅，Sophia聽聞香港唔少室內體育館，二樓都會有條緩跑徑開放公眾使用，例如香港公園體育館嗰一條，每日中午食飯時間，都有好多OL去練跑，場面有時都幾壯觀。
香港公園體育館
不過，小妹今次要介紹嘅，反而係喺將軍澳新開無耐，調景嶺體育館入面嘅豪華跑道。根據資料介紹，跑道長度為150米，不過試跑當日比較多人（因為落雨吧），而且冷氣好凍，搞到我跑咗一陣，拍埋條片就要走了……
雖然喺室內跑同跑街感覺差好遠，但勝在雨天有多個選擇，一齊去片睇下：
----- 廣告 Ad -----
地址：將軍澳翠嶺路二號同場加映：其實香港各區都有唔少室內靚跑道，大家不妨去屋企附近嘅體育館睇睇。
上水保榮路體育館
天水圍天暉路體育館
----- 廣告 Ad -----
將軍澳坑口體育館
有用資料：康文署體育館
更多：
夏天做運動 一定要識變通
10種跑街最怕遇到嘅人
Fitz Running 跑步
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」