東京馬拉松10周年—Expo篇

2月25日係東馬expo的第一日，女朋友為購買東京馬拉松限定版的跑鞋，所以一早起身趕去排隊入場，不過到會場的時候已經有唔少人排緊隊。到expo 十一點開門的時，沒有出現爭先恐後的「賽馬直擊」場面，大家都好有秩序乘扶手電梯上會場。

會場的門口分為兩個，一個門口可以讓參加者入內先取跑手包，另一個則是一般參觀人士的入口。我們既然有明確的目標，當然要直接先去購買！我們算是較早入場的一批，所以都能夠買到東馬限定跑鞋(註：兩小時後再經過該參展商的攤位，部分普遍的size已經斷碼)。

Expo除了限量版跑鞋外，亦有不同的東馬紀念品，包括限量2000份印有所有參賽者姓名的年曆、16年東馬紀念毛巾等。此外，有過百個參展單位，除了運動用品大品牌外，亦有幾間運動用品特賣店設有攤位，部分貨品算是超值。

掃貨小貼士

1. 先快行一圈，購買限量限定商品，順手於不同攤位格價(較後的攤位或會搵到驚喜)。
2. 之後才取選手包，再慢行一次，購買目標產品！
3. 行累了，可以到expo的小食區補充下「戰鬥力」。
4. 跑鞋等物品的包裝盒可以先拆盒，或輕重量及佔用的空間，而拆除的紙盒可以放於餐飲區大型回收垃圾桶內。

今日就祝大家買得開心！

選手包領取會分開個別攤位，負責不同項目

1. 對passport
2. 領取號碼布、行李寄存袋、跑手指南
3. Check 晶片資料
4. 領取紀念tee

更多：
Fitz.hk Facebook專頁
東京馬拉松10周年—出發前篇
東京馬拉松10周年—行李準備篇
東京馬拉松10周年—抵埗篇
Fitz Running 跑步