以下是在 SXGX Run 出現的對話。
我：「佢唔係喺 Instagram 講咗有可能是最後一次水著來作賽兼行義咩，話咗以後有可能在衣着上收斂一下，多謝各位支持個喎。點解仲係水著嘅？」
噴血 look 師姐：「人地話有可能，無話一定。同埋，佢咁著係想喚醒世人對殘疾運動員嘅關注。」
我： 「大哂呀，都要顧下人地感受架，跑步唔係著返正常跑步裝束咩？」
噴血 look 師姐：「佢著乜嘢，關你咩事？ 佢嘅造型唔會傷害到其他人。」
我： 「係嘅，正如妳著三點式跑我係唔會介意嘅。男人著疑似女裝泳衣跑，我好反感囉。」
噴血 look 師姐：「你呢啲法西斯人渣識唔識得大愛包容架？」
跟著我見到好多人爭相同泳衣男影相，我拿起 iPhone 問「師姐，集妳郵可唔可以？」
噴血 look 師姐：「彈開啦你！ 我想同佢影多啲。人有愛心，肥嘟嘟，都不知幾咁 cute。」
----- 廣告 Ad -----
白色 Speedo 泳褲
小時候考到拯溺章成為救生員，第一次去淺水灣當值，之前已經好想學大師兄一樣，穿條褲邊好似尾指咁幼的白色Speedo當值，依家仲唔畀我恨到。
當日大師兄見到我時，即時反應是「你做乜L嘢呀？」
「當值囉。」
「我係問你做乜L嘢著條黑色 Speedo 呀？」
「買唔到白色，咪買黑色囉。」
「Speedo 唔係你呢啲蛋散著架，即刻同我除咗佢。X，你頭先仲著佢去『Pizza乞』食嘢呀？ 仲有無再柒啲呀！ 救命。」
----- 廣告 Ad -----
「救生員唔係大L哂架！ 泳褲留返係沙灘著啦。」
所以，自始之後，我堅持適當場合穿適當衣服。
Kona Underpants Run
後來方知我見識少，著細細條白色 Speedo 跑步都不知多普遍。看完文章《Hot Pants in Hawaii》，先知道有 Kona Underpants Run。
如果你是玩三鐵的，一定知道 Kona，Kona 不僅是夏威夷的一個地名，更是每年 Ironman 世界盃錦標賽的唯一場地！
除了世界盃比賽之外，Ironman Kona 每次比賽前的星期四，都會舉行要舉行 The Kona Underpants Run 。到底為什麼會有這個傳統？
原來 Kona 世界盃開辦以來，每年湧來大批參賽選手，一年比一年多。由於人數眾多，已經影響到當地居民的生活。尤其選手一到 Kona 第一時間就是熟悉場地，於是在街上總是見到許多鐵人選手僅穿著一條 Speedo 招搖過市，不只是吊吊揈隨街走，在餐廳、油站、甚至郵局到處都是衣不蔽體的鐵人們，對選手來說是家常便飯，但對當地居民來說可就不大舒服了，有礙觀瞻。
後來有位叫 Paul Huddle 選手覺得這樣下去不是辦法，靈機一動，找了兩位同伴，就在比賽前的禮拜四，一早八點鐘，正是交通最繁忙的時刻，只穿一條好緊身﹑十分『現袋』的白色 Speedo，就這樣沿著大街跑，沿途還不停地用各國語言跟大家打招呼。以挖苦﹑幽默﹑諷刺的方式來提醒大家，來島上作客，也要尊重主人家的感受。沒想到效果奇佳，第二年增加到 30 個人參加，慢慢地就變成大會傳統！
----- 廣告 Ad -----
比賽距離也訂為1½英哩(2.4公里)，參加者來自世界各地，除了年輕男女外也有老人家小朋友，以及推著BB車參加的人，每個人都是穿著 Speedo，比基尼或是底褲參加。到現在，參賽者的服裝更是千奇百怪，除了以上打扮外，還有三人一組穿同款底褲，或是 Cosplay 成超人以及蝙蝠俠。
這個活動除了提醒選手練習時也要注意服裝外，也會幫忙當地的公益團體募款，幾年下來，金額也超過十萬美元金了。
另一個不同之處是在於他沒有任何的獎勵，沒有提供醫療救助，沒有特殊的規則，不分年齡、性別、國籍等等，寵物同樣可以參加。
噴血 look 師姐，如果香港有 Underpants Run，唔知妳會唔會著三點式同泳衣男一齊跑呢？
更多：
Fitz.hk Facebook專頁
美麗Vegan跑女 Niomi Smart
[最型山女話你知] 年輕的秘密
著Crocs跑步的愛生事家庭
Fitz Running 跑步
