[渣馬備戰] 10K賽道攻略

渣馬10K賽，名額35,000人，肯定係全港最多人參加嘅長跑活動。所以，佢要分開7組進行，由5點20分，一直跑到8點15分，限時2小時：

理論上，除咗輪椅組之外，應該係越早起步嘅腳程越快。不過，挑戰組可以有「郊遊人士」(即係跑下行下影下相咁囉)，又有唔少快腳又報唔到挑戰組只能參加3、4、5組……好彩，賽道係東區走廊，至少有三條行車線畀你慢慢跑，或者快快追，要走位其實唔難。

香港東區走廊(起點) – 筲箕灣(折返) – 維園道 – 告士打道 – 銅鑼灣維多利亞公園(終點)

賽道注意事項：

1. 起點位於炮台山（大概油街左近），喺天后上橋，至少行多500米。若你要寄存行李，真係要留意進場路線。
2. 我哋仲未搵到相關嘅高度圖，對於賽道嘅高度變化，唯有大家靠平日搭車時留意一下。大概由北角東行慢慢落斜，到鯽魚涌東隧入口落到最低位，然後喺太古城再上橋(上斜)至筲箕灣折返。
3. 賽道東區走廊屬於高速公路，路面較為粗糙 (與公園石板路或一般行人路相比)，更要留意分隔行車線之「貓眼石」，踏中的話，好易拗柴。
4. 補給：於4公里及8公里設有水站，終點有食物食水供應。
5. 10:45 賽路封閉。
6. 注意：要在起步前30分鐘進入檢查站 (銅鑼灣消防局側之上橋位)，逾時不准進入。

參加者由興發街上橋進入起跑區，但注意要半小時前進入消防局側之檢查站。

(按：部份資料依照過去兩年渣馬大會參賽手冊，請各位留意官方的最新公佈。)

下篇預告：10K賽行李寄存複雜過跑比賽。

更多：
Fitz.hk Facebook專頁
[去吧! 那些賽事] 渣打馬拉松的那些年
香港長跑行山比賽
國際大型長跑賽事
Fitz Running 跑步