[認真做傻事] 400人齊齊挑戰220Km

呢兩日如果你見到有幾百人一齊喺行人路跑步，並唔需要奇怪，佢哋並唔係參加比賽。呢班人只係參與一個跑友自發搞活動，佢除咗有成四百人參加之外，路程亦可以話係全港最長，佢哋計劃要由新界西跑到九龍東，喺新界九龍畫個大圈圈，全長大概220Km。

呢個活動叫做「癲傻220」，喺2月13日由青衣起步，一路經青山公路到屯門元朗，然後去上水、粉嶺、大埔，再入馬鞍山、西貢、將軍澳。進入九龍後，會經過觀塘、九龍城、紅磡、尖沙咀、大角咀、長沙灣、荔景，最後回青衣起點完結。

呢個活動嘅目的，以挑戰各人嘅極限為宗旨，所以，所有參加者視乎自己嘅體能，隨時起步，隨時結束，只要你覺得夠皮就OK嘞。而每位可以跑到50Km以上嘅參加者，都會有紀念品。

有時傻事並唔一定係蠢事。傻事，其實可以偉大過所謂嘅正經事囉。

詳情可以上「癲傻220」facebook睇。

大會搞手專登出錢整咗幾款公仔送畀成績達50Km以上嘅參加者。

----- 廣告 Ad -----