[阪馬特色] 呢班人嘅堅持，恐怖過全馬跑手!

對於日本人嘅堅持，我不得不寫個服字。

係，我係講緊阪馬，但我指嘅係日本人追星嘅堅持。

我諗當日好多跑友跑跑下，都會見到一班著住藍色背心嘅人喺路上以同一pacing黎跑。呢班人，沿途形同G4咁圍住一個人，唯一唔同嘅係其中一個會舉起一支咪，另一個就揸住部cam，其他幾個就好似保護證人咁周圍望。我唔認得裡面個靚仔係邊個。我諗，唔係星都應該係個藝人吧。有趣，反正冇打算要造時間，一於跟一陣八下有咩睇。沿途粉絲妹妹仔s幾乎無間斷咁接力喺兩旁打氣尖叫。唔好睇小佢地，著哂全副跑步gear，喺啲打氣位跑住黎尖叫，然後再跑去下一個打氣位再尖叫。你都咪話唔攰。而最令我佩服嘅，係有幾個粉絲直頭報埋名做跑手，係賽道上追住個偶像。要知道，對於香港人黎講，阪馬中籤率較高，然而對好多日本跑手黎講，要抽到比賽資格係難過登天。（題外話：路上曾經出現過兩個支持牌，上面大約寫「連續五年落選，很灰心」嘅說話。）

所以，粉絲們要報到、抽到、仲要練到跑42k。要以上三點，除非啲後援會有得代報，如果唔係機會率真係細到呢…不過，最難為都係個偶像。跑到身水身汗、氣羅氣喘時仲要喺班粉絲面前保持形象。辛苦哂！

而我不知道ジャニーズ West是誰。呢個日本三人男子組合，全部成員都有參加阪馬，當日吸引大量妹妹仔追星狂呼，應該係佢哋，除非唔係。

更多:
Fitz.hk Facebook專頁
當大腳板跑到大阪
Karena@Fitz.hk
Fitz Running 跑步