2015阿仙奴慈善跑

一個地區小型賽事，不設有名次，以完成賽事為目標，全長大約6k左右。

完成後有完賽紀念牌。

所以我將此賽事，當作Tempo Run練習。
放喺呢日，以免一星期跑兩課Tempo Run。

而自己近來Tempo Run都只是5k為主，之前試過一次6k但最尾1k有捱嘅感覺，所以往後都以Tempo Run 5K為主，今次賽事6K，希望可以順利突破Tempo Run練習嘅距離。

賽事大概60人參賽，我一早上線(頭位)，起跑時我同叧一位跑友彈出，我第二位，距離他大約10個身位左右。

從未諗過/試過，自己會係領先集團位置，真係會怯，但馬上集中精神於比賽上，按照自己配速跑，第一位選手試過幾次墜後同我平排，但我仍然按自己步速跑，沒有過佢頭。

頭兩K保持4’30速，剛過完第二K時，後面有另一選手跑我後面，約2千2百時過我成為第二位頭，我變作第三位，此情況維持到2千5百米時出現了變化⋯

第一位選手的跑姿開始散散地，之後急速墜後，我同另一位選手同時過佢，佢好大方說： 「加油呀！」

我拍手兩聲，回他一句：「加油加油！」

之後繼續同第一位上前。

到了3千5左右，第一位速度急速下降，我仍然跑著4’30左右的速度，過了他。

我由3千5百米開始成為了第一位！

前方沒有人的感覺係點？

一個人獨自跑，仿如自己每天清晨練跑一樣，但後方傳來的腳步聲，將我從幻想練習中拉回現實，由於沒有名次之爭，我仍然按著4′30速跑，到了最後300M，我提高速度，加快步伐，衝過終點！

終點並没有衝線帶，但我仍然高舉雙手，緊扼拳頭大叫：「Yes!!!」

時間：26’48
距離：6k
平均速度：4’28
平均心率：168

過了不久，第二位也衝線了，我同佢望一望，我伸手同佢握手，大家互相恭喜。

我話，如果無你頭兩k帶一帶我，我諗我跑唔出呢個時間，希望下次有機會約跑，佢笑笑話：
我見頭兩k跑4’30速，驚尾段頂唔到，所以收慢腳。

好激動！

賽前完全無諗過會有呢個結果，或者對於其他師兄師姐嚟講，這個時間、這個成績、這種賽事，不值一提。

但，對於一名跑步初手(一年生)嚟講，是十分十分鼓舞！

這一刻，我仿似得到最佳新人奬一樣，想多謝的人好多

最後，特別感謝我跑步上的師父，一直為我度身定做訓練課程，又幫我微調強度。

感謝再感謝∼

來源：722的跑步日誌

更多：
我的馬拉松 — 記大阪初馬
722其他文章
Fitz跑步文章