Carbo load 你一定聽過 但有無聽過 McDoload

圖片來源

有人出 post 問距離渣馬仲有兩星期，還要加強什麼訓練，「柒」問總有真心答，有心人叫樓主休腳 (tapering)。

唔爭在問埋之前一星期吃咩嘢? 當日早餐吃咩嘢?

McRunner

圖片來源

如果你問正來自芝加哥 Palatine 的 Joe D’Amico，你一定瀨大嘢。36歲的 Joe D’Amico 已經完成14場馬拉松，2011年，他為迎接3月20日在洛杉磯的馬拉松賽事 (Los Angeles Marathon)，比賽前的三十日內，每日三餐都食麥當勞備戰，連太太也說他黐L線。

圖片來源

----- 廣告 Ad -----

Joe D’Amico 幫自己起了一個朵叫『麥麥跑』(McRunner)，還建立了一個部落格《來速跑者的自白》(Confessions of a Drive-Thru Runner) ，並列出6大綱領及每天餐單和訓練日誌。

圖片來源

1. 比賽前的三十日內，每日三餐只食麥當勞
2. 非麥當勞的餐飲如清水﹑能量啫喱﹑多種維他命﹑布洛芬 (ibuprofen，一種丙酸類之非類固醇類的消炎止痛藥) 是容許的
3. 維持高哩數
4. 保持已婚
5. 要好玩
6. 為麥當勞之家籌款，會代每一位 Facebook 粉絲捐出一美元 (上限2,500美元)，另外透過https://www.firstgiving.com/fundraiser/mcrunner/lamarathon 籌募額外2,500美元

快餐令我成為更快的跑手

圖片來源

Joe D’Amico 喜愛食麥當勞，同時熱愛跑步，能夠把兩者合而為一，是夢幻組合。他堅持三十天只吃他心愛的麥當勞快餐，同時稱因為自己每周都跑逾一百六十公里，想像紀錄片《不瘦降之謎》中的親身作實驗的導演般變肥都好困難。

每天，Joe D’Amico 通常都以熱香餅、煙肉蛋漢堡 (走煙肉) 及鮮橙汁作早餐，午餐則會吃板燒雞腿包配大可樂。晚上享用漢堡包、薯條及曲奇作甜品。但他不會點巨無霸和大薯條。

圖片來源

醫生認為這個餐單對備戰馬拉松並不理想，但 Joe D’Amico 堅持說自己感覺良好，不會像《不瘦降之謎》中主角般 supersized。

圖片來源

最後 Joe D’Amico以 2:36:14 衝線 (打破之前的PB 2:36:54) 。

我見過「拾參師兄」起步前啪了一大隻茶居的糯米雞加凍奶茶，我問師兄「咁食會唔會滯咗啲?」他話「唔會，唔食無力跑。」

我另一位連年「拾科」的朋友喜歡空肚跑，早上只飲黑咖啡一杯。

所以，我的建議是食你平時食開的早餐，不要嘗試新的食物是常識罷了。

資料來源:

• McRunner Sets a McPR at the L.A. Marathon
• Joe D’Amico The ‘McRunner’: Man Training For Marathon Eats Only McDonald’s For 30 Days