真係一場路跑賽?
實體賽終於回歸啦! Check point 仲可以派蕉添，簡直係皇恩浩蕩! 食物補給在長途越野跑絕對是重要一環。大嬸今次唔玩長途賽，「食住跑 run to eat」 才最精明!
大嬸在過去周日 (23/10/2022) 和跑班同學組成兩隊，參加第二屆 Pasta Run，為 mindhk 籌款，有得玩又有得食。未講今次的瘋狂故事前，要先 play back「三嬸一叔」去年參加首度舉辦的 Pasta Run 的盛況，了解她的的心路歷程。 (見:《辛苦跑來志在食》)
Pizza、漢堡是去年的造型
Pasta Run 是4人一隊，去年由灣仔的意粉餐廳跑到堅尼地城分店，賽制不是鬥快，活動亮點是選最佳服裝造型奬。大嬸花盡心思構思團隊的造型，最後決定以食物為主題，在淘寶找來大大件漢堡包和 Pizza 做戲服，還特別為隊員訂造圍裙，在胸前印埋意粉。
鳴謝跑班同學設計圍裙圖案
----- 廣告 Ad -----
大嬸覺得這個造型非常吸睛，胸有成竹，以為勝券在握，結果事與願違，三甲不入。其實其他隊伍的服裝都各有特色，尤其得奬隊伍的餐枱造型，夠創意又切合大會主題。大嬸雖然有點失望，但輸得心服口服。
去年Pasta Run的冠軍造型好得 (The Green Race)
今年要轄出去
大嬸今年捲土重來，誓要爆紅! 邀請跑班同學，四男四女組成兩隊，以「雌雄難辨」為 gimmick，男變女 女變男! (平機會唔會投訴卦?!)
「大家認為性感女僕服裝和德國啤酒男制服如何?」大嬸向隊友提議。
「好呀！制服誘惑吸引評判！我地男團無所謂，怕你地女團唔夠膽著!」男隊員笑著說。
----- 廣告 Ad -----
「你地男團無問題就好了，你地穿女僕服呀!」大嬸邊説邊展示她在淘寶找來的服裝相。
圖: 淘寶照片
男團即時起哄，有人表示中伏；有人暗喜!
大嬸是完美主義者，向來處事認真，特別留意魔鬼細節位，造型設計自然不能馬虎。她再為隊友準備了各款配襯飾物和道具，包括超高像真度意粉道具、啤酒、頭飾、攪笑眼鏡等等，務求令造型夠爆笑之餘，又能保持女團的優雅形象，並切合大會主題。成效如何，讀者可自行看圖判斷 (強烈建議空肚睇相，或先食止嘔丸)
真係假㗎
男團投入角色，似乎好享受其中
女團豪邁中帶一點溫柔
知道男人平日少做家務，另一女團員更提醒男團記住要燙靚制服條裙，才能穿出女僕的專業精神。原來燙裙對男人來說是難度極高的挑戰 (但最終帶來成就感)，有的更說屋企冇燙斗，真令人難以置信！(有的男團說不識穿著那塊白色圍裙，因有好多帶子穿來搭去，要求教女團)。
今年賽道和去年一樣由灣仔出發，自訂路線，約7K到鰂魚涌。起步前，大會先提供Bomboloni意大利冬甩和咖啡，讓大家暖暖胃。各隊伍看到大家出位的打扮，尖叫掩面嘩嘩聲不絕，瘋狂影相打咭，氣氛開始刺熱。
在灣仔的一間餐廳出發，起步前有意大利冬甩同咖啡，呢啲補給去邊度搵
----- 廣告 Ad -----
背後一眾神佛冇眼睇
雖然叫 pasta run 但其實唔係鬥快，我地沿途見到靚景都停下來影相自 high 。途人見到我們奇裝異服，紛紛向我們招手 say hi。大家終於可以再次感受到實體賽的氣氛。
香港平等包容，中西文化交流
男團 Denny 一穿上戲服最入戲，連跑姿都變得女性化，他的蘭花手配埋殺死人的電眼，簡直令人神魂顛倒。其實起跑後不久，男團個個都已經投入了角色，甚至有些抽離唔到。不過男團始終是第一次著裙，成日拎起條裙露底，要改善。
男團特別受外傭歡迎，被她們圍攏住要求拍照，三位大叔突然覺得自己變成韓星，搔首弄姿，擺出不同post 滿足粉絲要求。入世未深的小鮮肉隊友被如狼似虎的粉絲嚇到站在一旁。
女傭見到男團好有親切感，可能覺得男團比她們更pro
女團也有粉絲
跑下、影下、行下、笑下、終於用左兩小時到達終點。完賽美食是鮮削黑松露手工意粉配 tiramisu 甜品，還提供不含或含酒精飲料，讓大家可以隊啤吹水。(那些由起步至完賽都只提供水的實體賽簡直冇得比，檢討下啦)
修女也瘋狂
有美食、有氣氛、有尖叫、有笑聲，仲可能有一個月免費Pasta (最佳服裝獎冠軍)
認真永遠唔會輸，夠膽突破自己已經算贏。最佳服裝奬最終花落誰家已經不再重要，男團今次大突破在跑班各人心中已經是真英雄、真女傭! (又押韻喎!）
----- 廣告 Ad -----
