「有問題，問Facebook大神」，似乎係時下普羅百姓嘅共識。喺facebook嘅跑步群組，間中都會睇到以下呢一類問題：
- 「我練完跑膝頭痛，究竟咩事？應該點醫呢？」
- 「有無人好似我咁跑完之後腳踭痛呢？你哋會點做呢？」
問嘅人就當佢哋一時驚恐，藥石亂投。不過奇在有人會將佢、佢嘅朋友，甚至係佢朋友嘅朋友嘅朋友嘅朋友……嘅經驗，當做權威咁分享出嚟。
病痛嘅嘢，連醫生都要照過X光、睇過病情，望聞問切先大概知道病情。只係網上講兩句，唔係真係可以醫到病呀話？
最近睇到篇文章叫《The Worst Piece Of Running Advice I Ever Heard Read》，係一位女跑友講佢嘅慘痛經歷。
----- 廣告 Ad -----
說話呢位叫Alison嘅小姐，讀中學時代由騎馬轉咗去跑步。跑完一輪之後，發現自己患上脛前疼痛（shin splints），行路一拐一拐。有次上堂時，隔離位同學（Alison都唔知佢叫乜名）話佢家姐都有呢個病，叫Alison可以唔使理，照跑可也（run through the pain!）。由於呢個建議完全符合Alison當時嘅意向（唔使醫病可以繼續練跑喎，咁著數！），所以Alison恭敬不如從命，繼續練跑，仲越練越起勁。
卒之，一個禮拜後Alison痛到行唔郁，嗰時佢先回復理智，向醫生求診，停止練跑，不斷敷冰，休息一排先可以繼續跑步。而Alison亦明白到，最好問意見嘅人，其實就係自己。因為自己身體嘅痛楚，只有自己感受得到。
而我，有問題都會向其他跑友問意見，不過自己都要有基本明辨是非嘅能力。Common sense呢家嘢，真係居家旅行必備架。
更多:
越跑腳痛越嚴重
跑友最愛分享的10種相片
[人哋對鞋好著啲] 跑鞋問題的無間輪迴
Fitz Running 跑步
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。