[跑步環台1000K] 90後阿宗阿盛: 其實唔難

阿宗與阿盛兩位90後年輕人，在台灣用了24天，跑了926公里。以一個全馬約30,000步計算，他們每人跑了超過658,000步，兩人總計超過130萬步！

一步，一腳印。他們在這段旅程又感受了甚麼呢？

短片: 今次最難忘的是……

最有愛
「最大嘅感受，咪就係台灣人真係好好囉！」阿盛答。

「旅程完結咗，我最大心願，係希望可以再次多謝喺途中幫助過我哋台灣人。有旅館老闆知我哋環台，就即係畀折扣我哋。中秋節嗰日，又收到路人送畀我哋嘅月餅。就算係跑過街頭，亦試過有送人支水畀我哋，甚至停車同我哋講加油。呢種種一切，其實真係令我哋好感動！」

「簡單一句，可以話『一個人在外，並不孤獨』！」

沿途有好心台灣人送水送食物，令他們印象難忘。

筆者多次問兩位年輕人，為何總是與女生合照？他們的答覆總是：台灣人好熱情嘛。

事實上，他們在台灣不足一個月，就要面對三個颱風，他們被逼繞道而行，間接令他們不能「環台一圈」。幸好，颱風對他們沒有太大影響，至少在風暴吹襲期間，他們可及時在旅館避風。

短片: 跑步環台 其實唔難

最驚險
不過阿宗說，他亦遇到驚險時刻：

「喺台東跑緊嘅時候，啱啱颱風吹到。條街好大風，根本跑唔郁！要跑下又停下。而最驚險嘅，就係強風吹起嘅雜物，因為畀佢哋打中肯定受傷！」

阿宗更加在風暴過後的第二日，一個人跑了75公里的蘇花公路。

「嗰陣啱啱打完風，周圍都聽到冧山泥、冧石嘅新聞。而且蘇花公路可以話係世界最危險嘅道路之一，條路多車路窄，入到隧道又黑，我著住反光衣都好驚會有車撞到我。起步嘅時候都唔係咁大信心，最後喺終點見到阿盛，我真係忍唔住同佢互相擁抱呀！」

蘇花公路其中一條隧道

最感恩
經歷了不同程度的驚險事情，阿盛回想他們其實相當幸運：

「咁長嘅距離，咁多日嘅旅程，又打風又落雨，但我哋真係好好彩，大家都無受傷，無意外，無病痛。就算咁樣淋雨，大家嘅手機都無淋濕！」

口裡說容易，但要全身而退其實絕不簡單！

阿宗阿盛兩位位年輕人，完成了一件不簡單的旅程！

短片: 要多謝的人有……

環台小秘技：最佳補給
無論跑步或單車環台，總要幫襯沿途的便利店。阿宗阿盛表示，台灣便利店有飯盒有熱食，一日三餐亦不會太難過。

而他們極力推介，在台灣七十一有售的Sunkist橙汁。因為這款橙汁特甜，可充份補充他們失去的糖份！

台灣七仔可說是他們的飯堂。

籌款資訊
編按：佢哋仍然為為無國界醫生籌款，希望可以為偏遠貧困既地方，提供醫療協助。

請即支持!!
https://ssl.msf.hk/donate/tc/msf/658