自從鬼仔上司 Rhodri PT 到 Saudi 做IB開荒之後，我已很久沒有跑中午烈陽課。Rhodri 是銀行600+ IMs，他常常用廣東話打趣說:「我地IM，幾時死同死去邊到，唔係自己決定，係銀行決定。」
Rhodri 要求非常高，捽數時說話極盡英式冷嘲熱諷﹑奚落挖苦之能事。話雖如此，Rhodri 是我樂於合作的上司，一來人很帥氣 似足廿幾年前的 Hugh Grant。二來他絕頂聰明，18個月KO3個levels，考到CFA，他勁在不是時間，而是他是文科生，牛津大學比較文學畢業。還有，他是我的私人跑步教練，他的馬拉松PB是2小時40分鐘。
跑步廢青
----- 廣告 Ad -----
新來的上司是香港人，從CIB調過來，聽講他跟鄰近經濟強國的大企業關係密切，能夠帶來很多『褲二袋』PB生意。我對他沒太大好感，事緣有次一起食黃油蟹，席間有同事無端端燒著我，提到跑步通勤(其實是烈陽跑)，他連口裡的蟹膏還未吞， 油淋淋的嘴都未抹，就大發偉論，又是那些聽L到厭的成功人士標準。
30歲前要坐到business class，
30歲後仍要坐公共交通工具，用八達通是廢人，
40歲仲無幾層樓收租係唔死都無用等等。
眼前的他就是每位香港家長希望子女將來長大成為的傑出青年。
柒問鳩答
話不投機半句多，除了公事上，我跟他沒兩句，亦不想跟他打交道去討HNW客戶。星期五，打算早些離開走渣馬前最後一課青公30K，怎知給他逮著了。
「陳伯，唔趕時間嘅話，去28樓Mess Club happy hours呀?」
「我今日真係要早啲走? 下星期我約你呀，腦細。」
「阻得果幾耐呀? 係唔係唔畀面腦細先?」
----- 廣告 Ad -----
去到Mess，拿著酒杯，我已經練到可以看來很專心聽人『鳩吹』，其實是心不在然的。直到他講「馬拉松」三個字時，我的魂魄才歸體。
「陳伯，你個時練幾耐先跑馬拉松? 我都諗緊唔打golf，轉跑步，運動量大啲。我想好似心悠BB咁兩小時內完成一個馬拉松。」
聽到這裡，我即時射了出來，唔係，係想笑了出來，噴淚個隻，但我沒有訕笑他。
「心悠BB是跑十公里，馬拉松是42.195公里，不是人人可以應付得來。點解想轉跑步嘅?」
「今年我轉字頭，入五呀(50歲)。剛剛驗完身，樣樣指數都爆錶，醫生叫我注意飲食和多做運動。」
這是比《百萬富翁》更難答的問題，在我而言，跑步是為了健康和快樂，要健康不一定要跑步。盲目『喜跑』我不鼓勵，操到五勞七傷更無謂，為了造時間而給自己太大壓力又何必呢? 跑步啫，不用搵命搏的，最不想見到是有跑友離去。
「腦細，關於跑步，我想講的其實係，我最鍾意跑步係唔使跑步嘅時候。要keep fit，跑步成效唔大，不如注重飲食和試吓做『廢老』，揸少啲車，搭多啲地鐵，行多啲路仲有效。」
渣馬廿年，大數據呢
港版Runner’s World有一期專題是講 Big Data，《The Endless Toils of Big-Data Guy》，很值得看。除了追求報名人數外，有沒有想過怎樣善用這廿年累積下來的跑手數據，做一些分析，作出有效建議，可能可以預防RIP的不幸事情發生呢?
例如，跑手要對自己有合理期望，曾經有谷友留言話不敢出post，因為見到個個院友都是4分披，怕自己不到位俾人插,快與慢是相對的，還要看很多因素。實情是有發生過，跑步圈子跟外邊世界一樣,無品的人仲未死得哂。
我又要提外國了，激動的網友會說: 「咁唔L鍾意香港，移民啦。各處鄉村各處例，典解一定要學好過我地的美國同日本唧? 外國的唔一定啱香港用，我喜歡『柒』落去，吹呀!」
Let’s agree to disagree.
數據不說謊
我跟 Rhodri 學到的另一種絕技就是製作 infographics，你知啦，我服侍的某些 HNW 客戶是 Ivy League 畢業的『褲二袋』，太busy 的 slide deck 是會令他們打呵欠的。能夠一張 infographics 吹十分鐘先顯功力。
----- 廣告 Ad -----
若能花點時間整理，從完賽數據，我們可以得出許多有用資料。
不過，大家都不要奢望。簡單如一份訂製跑 tee 的 Excel 都攪唔L掂，都係算L數罷啦! 跑啦! 咁L多投訴。
(按圖放大)
今日美國，明日香港 or 中國。耐克，做嘢喇!
延伸閱讀:
- How Big Data Aids Marathon Runners
- The Power of Big (Fitness) Data
- How can big data go the distance for runners (and the rest of us)?
更多：
Fitz.hk Facebook專頁
渣馬教曉我的二三事 (2017版)
[渣馬2017] 田總又童子軍跳彈牀喇
唔想DNF 可以點樣?
Yiu Kwong Chan＠Fitz.hk
Fitz Running 跑步
