瑜伽路上嘅好教練

好多謝瑜伽既路上令我遇上一位好教練，係佢令到我唔會放棄，一路堅持落去，依個好教練每次都好俾心機去教我好多動作。

記得啱啱接觸瑜伽時只係為左減肥，直至依個教練真係成為我私人教練，佢改變左我對瑜伽既諗法，我所識既動作都係佢教，我真係要多謝佢，唔係佢一直教導我，我諗我已經放棄左好耐，唔會一直學學左4年。

雖然好多動作睇落去好易咁，其實唔易架，真係好難，記得你第一個教識我嘅動作係拱橋，之前一直都唔識起，之後上你堂，你好俾心機教，只用左幾堂時間已經教識我，之後教識嘅動作係烏鴉（按：見下面短片），烏鴉對於我嚟講真係好難，因為我次次都係頭落地，頭撞到地下，你會每堂指導我點做好快就學識。

其實我真係要真心多謝你，每次你上堂都見到我依個懶學生，你總係冇放棄依個懶學生，用辦法迫依個懶學生用力去做每一個動作，每次你鬧時，你都係合理既鬧。你鬧係我既動力，令我要做好依個動作俾你讚。依四年既成果，多謝你。多謝你一直教導我，遇上一個好教練令到我瑜伽人生唔同左，謝謝妳。

更多：
做運動嘅開心
單靠跑步就可以了嗎?—STAGE 1 減肥篇
3500卡路里等於1磅脂肪，減肥真係咁簡單?
Fitz Sports 運動